UZ

Сўнгги янгиликлар

22:56"Манчестер Юнайтед"нинг февраль ойидаги энг яхши футболчиси аниқланди  0 22:26"Жомбой" назорат учрашувида Про лига дебютантини мағлуб этди  0 22:24"Янгиер" назорат учрашувида "Рубин"ни мағлуб этди  1 22:20Шунчаки тавсия! UFC’да қатнашиш учун жаҳаннамдан қайтган, Ироқда кураш олиб борган ва ғалабаларини вафот этган дўстларига бағишлаган жангчи ҳақида  0 22:13АПЛ. "Лестер" ва "Астон Вилла"нинг бугунги ўйин учун асосий таркиблари маълум бўлди  1 22:10АГМКнинг бугунги машғулотидан ФОТОГАЛЕРЕЯ  2 21:55Ўтган мавсумни "Навбаҳор"да ўтказган Жавлон Иброҳимов Тожикистон чемпиони кўригида  2 21:50“Бунёдкор” президенти клуб вакиллари билан учрашди ва жамоага янги бош мураббий тайинланди  26 21:47Россия Кубоги. "Уфа" - "Урал" 3:0, Ўруновдан ассист  7 21:40А Серия. “Сассуоло” – “Наполи”. Асосий таркиблар  0 21:20Венгер Мбаппени Пеле билан солиштирди  3 21:00Тухель “Ливерпуль”га қарши баҳс олдидан: “Жуда хотиржамман”  7 20:45Расман: Александр Хомяков "Машъал" устозига айланди  14 20:35Клопп Тухелнинг “Челси”даги фаолиятига баҳо берди  6 20:20Россия Кубоги чорак финалига қуръа ташланди. "Уфа" сафарда ўйнайди  2

Тачмурат Агамуродов: “Жамоамиз учун ҳар бир очко қадрли” Янгиликлар

Тачмурат Агамуродов: “Жамоамиз учун ҳар бир очко қадрли”

Coca Cola Суперлига 21-туридан ўрин олган “Навбаҳор” – “Динамо” учрашувидан кейинги матбуот анжуманининг биринчи қисмида “Динамо” бош мураббийи Тачмурат Агамуродов иштирок этиб, журналистларнинг саволларига жавоб берди.

"Жамоамиз учун айни пайтда Суперлигадаги ўрнини сақлаб қолиш учун ҳар бир очко қадрли. “Навбаҳор” эса совринли ўринлар учун кураш олиб бораётган клуб. Шу боис, биз мазкур баҳсда ҳимоявий ўйин намойиш этишни режалаштиргандик.  Афсуски, ниятимизга етолмадик. Шундай бўлса-да, йигитларга майдонда барча имкониятларини ишга солишгани учун миннатдорчилик билдираман. 

“Навбаҳор”ни эса ғалаба билан табриклайман ва кейинги баҳсларда наманганликларга омад ёр бўлишини тилайман. Ушбу жамоаларнинг биринчи даврада Самарқандда бўлиб ўтган ўйинини томоша қилдим. Ҳақиқатданам ўша баҳс жуда қизиқарли тарзда кечган экан. Бироқ, таъкидлаганимдек, биз учун ҳар очко айни пайтда “олтин”га тенг. Шу боис, Наманганда очиқ ўйин намойиш этолмасдик. Биз бу ерга очко олиш учун келгандик. Аммо ниятимизга етолмадик. Лекин ҳали ҳеч нарса йўқотилмади ҳамда “Динамо” Суперлигада “жон сақлаб қолиш” учун охиригача кураш олиб боради. Бунга жамоамизда назарий жиҳатдан имконият бор ва биз ундан максимал даражада фойдаланишга интиламиз. Шогирдларим қолган ўйинларда ҳам майдонда бугунгидек бор кучлари билан ҳаракат қилишса, олдимизга қўйилган мақсадни амалга оширамиз, деган умиддаман. Мени “Динамо”га жамоани Суперлига олиб қолиш учун таклиф қилишган. Тўғри, жамоамиз ҳозир қийин аҳволда. Бундан ташқари, кейинги учрашувлардаги рақибларимиз ҳам анойи эмас. Лекин ёмон аскаргина генерал бўлишни орзу қилмайди. Шунинг учун ўз ниятимизни амалга ошириш учун бор имкониятимизни ишга соламиз", - дейди Тачмурад Агамурадов.


Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика