So’nggi yangiliklar

02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  18 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  16 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  25 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  6 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  7 21:55CAFA Nations Cup-2025. Ўзбекистон — Ўмон 1:1   29 21:32"CAFA Nations Cup-2025" Ўзбекистон илк ўйинда Кейруш бошчилигидаги Ўмонни юта олмади  374 21:23АПЛ. "Тоттенхэм" кутилмаганда ўз майдонида "Борнмут"га мағлуб бўлди, МЮ эса автогол ва пенальти эвазига "Бёрнли"дан устун келди  11

Suriya U-20 bosh murabbiyi: "Tan olish kerak, O'zbekiston g'alabaga loyiq edi" Yangiliklar

Suriya U-20 bosh murabbiyi: "Tan olish kerak, O'zbekiston g'alabaga loyiq edi"

U-20 Osiyo kubogi doirasida O'zbekistonga qarshi bahsdan keyin Suriya U-20 termasi murabbiyi Mark Votte uchrashuv haqidagi fikrlari bilan o'rtoqlashdi.

- Yakunlangan o'yin haqida fikringiz?

- Tan olish kerak, O'zbekiston g'alabaga loyiq edi. Raqib jismonan juda kuchli bo'lgan ajoyib jamoa ekan. O'zbekiston safida 3-4 nafar fantastik darajada kuchli o'yinchilar bor ekan. O'yin davomida bizda ham 3-4 ta ajoyib vaziyatlar bo'ldi. Biroq faqatgina omad kelmaganligi evaziga bu vaziyatdan gol ura olmadik. Jamoamga alohida rahmat deb qolaman. Ular oxirgi 10 daqiqada juda ajoyib futbol kursatishdi. Vaziyatni o'nglashga urinishdi. O'zbekiston esa kurashuvchanlik ruhiga ega bo'lgan terma jamoa ekan. Bugun ular kuchliroq edi. 

- Ikki gol ham standard vaziyatlardan kiritildi. Bu jihatdan Suriya termasida muammo bor deb o'ylaysizmi?

- Bilasizmi, birinchi jarima zarbasi shunchaki fantastik tarzda amalga oshirildi. Men bu borada kimnidir ayblay olmayman. Darvozabon ham to'pni qaytarishga urindi, ammo buni iloji bo'lmadi. 14-raqamli o'yinchining zarbasi shunchaki ideal edi. Ikkinchi golda esa himoyachi to'pni maydondan chiqarib yuborishga urindi. Bu vaziyatda ham uni ayblab bo'lmaydi. SHuni takidlab o'tishim joizki, O'zbekiston safida 4-5 nafar super darajagi futbolchilar harakat qilishdi. Birinchi goldagi jarima zarbasi esa mukammal tarzda ijro qilindi. 

- Musobaqaning ochilish o'yinida mezbon terma jamoaga qarshi harakat qildingiz. SHu nuqtai nazardan qaralsa, keyingi ikki o'yin osonroq kechishini kutyapsizmi?

- Albatta, bugungi o'yindagi atmosfera shunchaki dahshat bo'ldi. Buning uchun barcha muxlislarga minnatdorchilik bildiraman. Bunday muhitda o'ynash biz uchun juda zo'r tajriba bo'ldi. SHogirdlarim birinchi marta to'la stadionda futbol o'ynashmoqda. Bundan ular ham juda xursand bo'lishdi. Keyingi ikki o'yinda esa bor kuchimizni ko'rsatib, pley-off bosqichiga chiqishga harakat qilamiz. Bugun ham zaxiradan maydonga tushgan futbolchilar juda yaxshi o'yin ko'rsatishdi. Endi esa biz Indoneziyaga qarshi o'yinga tayyorgarlikni boshlaymiz.

- Muxlislar bilan to'lgan stadionda o'ynash jamoangiz o'yiniga salbiy tasir ko'rsatdi deb o'ylaysizmi?

- Menimcha, o'yinchilarim bunday to'la stadionda futbol o'ynashdan juda xursand bo'lishdi. Bu jihat aksincha jamoamga yaxshi tasir qildi. Aksariyat futbolchilarim o'z darajalaridagi o'yinni ko'rsatishdi va yaxshi harakat qilishdi. Bazida shunchaki omad kelmaydi. Yana takrorlayman, jarima zarbasi shunchaki zargarona amalga oshirildi. Ikkinchi gol esa xato sabab yuzaga keldi. Bugungi o'yinlari uchun futbolchilarimni ayblay olmayman. Aksincha, ularga minnatdorchilik bildiraman.

Reyting: +13   

Fikrlar

championat.asia
< so’nggi yangiliklarni ko’rish
Яндекс.Метрика