Suriya o'rtoqlik o'yinida Ummon bilan durang o'ynadi
03 iyu 2017 09:11
Yangiliklar
![](https://championat.asia/upload/storage/257347_original.jpg)
![](/upload/storage/257347_220.jpg)
Suriya o'rtoqlik o'yinida Ummon bilan durang o'ynadi
Ummon poytaxti Muskat shahrida bo'lib o'tgan o'yinda 1:1 hisobidagi durang natija qayd etildi. Uchrashuvning 56-daqiqasida ummonliklar hisobni ochgan bo'lsa, asosiy vaqtga qo'shib berilgan daqiqalarning so'nggisida Suriya vakillari hisobni tenglashtirdi.
Ertaga, 4 iyun kuni milliy terma jamoaning guruhdagi raqibi – Eron termasi O'zbekistonga qarshi o'yin oldidan CHernogoriyaga qarshi o'rtoqlik o'yinini o'tkazadi. Karlush Keyrush bosh murabbiyligidagi jamoa Avstriyadagi o'quv-mashg'ulotlar yig'inini tugatib, Podgoricaga yo'l oldi.
O'zbekiston terma jamoasi Eronga qarshi o'yindan avval Toshkentda Tailand termasi bilan to'qnash keladi. Ushbu o'yin 6 iyun kuni “Bunyodkor” stadionida, soat 20:00 da boshlanishi ko'zda tutilgan.
Eslatib o'tamiz, “A” guruhi 7-turidan keyin Eron 17 ochko bilan peshqadamlik qilayotgan bo'lsa, 13 ochko jamg'argan Janubiy Koreya ikkinchi pog'onada bormoqda. O'zbekiston terma jamoasi 12 ochko bilan uchinchi o'rinni band qilgan. 4–6 o'rinlarni mos ravishda Suriya (8 ochko), Xitoy (5 ochko) va Qatar (4 ochko) termalari egallagan.
O’xshash yangiliklar
![AMP Logo](https://championat.asia/image/logo-amp.png)
Fikrlar