Superligada bahorgi uyg'onish azobi

Hammayoqda ish qizg'in, ko'klam shukuhi qalblarni ishlashga undayotgan palla. Ayrim mamlakatlarga nisbatan bizning futbolda bahor uyg'onish, yangi maqsadlar bilan yo'lga chiqish payti sanaladi. Klublar qamishdan bel bog'lab Superliga karvoni sari harakatni boshlashadi. Lekin nima uchundir bu safar jamoalarning ilk turdagi o'yinlaridan ko'ngillar to'lmadi. Futbol bayramining davomli bo'lishiga esa tom manoda jamoalar aybdor. Etibor bering birinchi turdan o'rin olgan 7ta o'yinning 3tasida gol ko'rganimiz yo'q. Sal qolsa Yaypandagi vodiy derbisi ham 0ga qarab ketayotgan edi. Bekoboddagi o'yinda ham 1ta gol ko'rdik. "Navbahor" - "Nasaf" o'yinida stadion chinakamiga "portilladi". Ammo bu maydondagi futbolchilarga ko'chmadi. Samarqand va Olmaliqda xaytovur 2tadan to'p kiritildi. Ikkinchidan hujumchilar otni ilgariroq qamchilash vaqti keldi. Bugun urmasangiz, ertaga urmasangiz yana qachon gol urmoqchisiz. 

Superliga. 1-tur tomoshabinlar tashrifi. Namangan birinchi, Samarqand ikkinchi...

"Quruq start". 7 o'yin — 6 gol

Biz startdan shuni kutganmidik? Klublarimizga uyg'onish uchun qancha vaqt kerak? Bahorgi uyg'onish shunchalar qiyinmi? Yana 2ta turdan so'ng FIFA kunlari boshlanadi. Keyingi turlarda ham shu holat kuzatilgudek bo'lsa, terma jamoaga futbolchilar qanday etib borishini o'ylayvering. Biz Superligadagi gollarni sanab o'tirgan joyimizda Pro ligada allaqachon 2ta o'yinda 6ta gol darvozalardan o'rin oldi. Demak quyosh Superligadan emas, Pro liga tomondan chiqdi. 

2-tur hozirgi mulohazalarimni biroz o'zgartirib yuborishiga umid bog'layman. Boshqa ilojim ham yo'q. 

A. Iskandarov