Superliga. "Dinamo" posboni, "Paxtakor" ustozi, "Nasaf" vakili va "Qizilqum" to'purari: 4-tur laureatlari

Championat.asia tur bahslari asosida tur laureatlarini aniqladi.

"Dinamo" klubi bu turda Toshkentda "Bunyodkor" mehmoni bo'ldi va 1:2 hisobida mag'lub bo'ldi. Garchi mag'lubiyatga uchragan bo'lsada samarqandliklar posboni Miloe Prekovichga deyarli etiroz bo'lmadi. Birinchi taymda raqib futbolchining penaltidan tepgan to'pini qaytargan Prekovich o'yin davomida bir qator seyvlar namoyish etdi. "Dinamo" posboni Miloe Prekovich championat.asia sayti talqiniga ko'ra 4-turning eng yaxshi darvozaboni deb topildi.

"Paxtakor" bu tur chempionlikka davogar bo'lgan "Navbahor" bilan to'qnash keldi va 1:0 hisobida g'alaba qozondi. "SHerlar" kuchli tarkibga ega bo'lgan "lochinlar"ga qarshi yaxshi o'ynadi va ijobiy natija qayd etishdi. SHu bois Championat.asia sayti talqiniga ko'ra, 4-turning eng yaxshi murabbiyi Slavche Voyneski bo'ldi.

Bu turda "Nasaf" yarim himoyachisi Suhrob Nurulloev "Lokomotiv" bilan bahsda ajoyib gol urdi va tur goli muallifiga aylandi.  

Bu yil "Qizilqum"ga kelgan serbiyalik legioner Aleksandar Stanisavlevich juda sermahsul o'yin namoyish etmoqda. Ayniqsa "Neftchi" bilan bahsda u juda foydali o'ynadi. Bahsning birinchi taymida Sasha penaltidan hisobni ochdi. Ikkinchi taym boshida uning to'p uzatishidan keyin Abduholiqov gol urdi. Oradan ko'p o'tmay Stanisavlevich raqib jarima maydoni ichida yiqitildi va penaltidan Abduholiqov foydalandi. SHu tariqa, Aleksandar Stanisavlevich championat.asia talqiniga ko'ra 4-turning eng yaxshi futbolchisi deb topildi. Malumot uchun, futbolchi 4ta turda 3ta gol urdi va 1ta pas hamda 2ta penalti ishladi.

O'zbekiston chempionati turnir jadvali >>>>> Superliga