Superliga. 3-tur laureatlari

Championat.asia tur bahslari asosida tur laureatlarini aniqladi.

"Metallurg" klubi bu turda o'z maydonida "Surxon"ni mehmon qildi va 0:0 hisobida durang qayd etdi. Ushbu durangda bekobodliklar posboni Aleksandr Lobanovning hissasi juda katta bo'ldi, u bir necha bor raqibga gol urishga to'sqinlik qildi. "Metallurg" posboni Aleksandr Lobanov championat.asia sayti talqiniga ko'ra 3-turning eng yaxshi darvozaboni deb topildi.

"Olimpik" bu tur Toshkent derbisida amaldagi chempion "Paxtakor" bilan to'qnash keldi va 1:1 hisobida durang o'ynadi. SHu kuni yosh olimpiyachilar "sherlar"ga qarshi juda yaxshi o'ynashdi va ijobiy natija qayd etishdi. SHu bois Championat.asia sayti talqiniga ko'ra, 3-turning eng yaxshi murabbiyi Timur Kapadze bo'ldi.

Bu turda "Navbahor" yarim himoyachisi Elguja Grigalashvili "Qo'qon-1912" bilan bahsda ajoyib gol urdi va tur goli muallifiga aylandi.  

Bu yil O'zbekistonga qaytgan va "Navbahor"da o'ynay boshlagan Jamshid Iskanderov "Qo'qon-1912" bilan bahsda juda foydali o'ynadi. Aynan uning ikkita uzatmasidan keyin Elguja va Marushich raqib darvozasini ishg'ol qilishdi. SHu tariqa, Jamshid Iskanderov championat.asia talqiniga ko'ra 3-turning eng yaxshi futbolchisi deb topildi.

O'zbekiston chempionati turnir jadvali >>>>> Superliga