Superliga-2025. Igor Sergeev - to'purar

Mavsum davomida 29 ta o'yinda maydonga tushib raqib darvozasiga 20 ta gol urgan Igor Sergeev chempionat to'purari bo'ldi. "Paxtakor" hujumchisi 10 yil oldin ham O'zbekistonda to'purar bo'lgan edi. 2015 yilgi mavsum u 30 ta o'yinda 24 ta to'p kiritgandi.

Sergeev O'zbekistonda to'purar bo'lish bo'yicha Baxtiyor Hamidullaev, Umid Isoqov, Shuhrat Mirxoldirshoev va Oleg Shackixga etib oldi. Bu sobiq futbolchilar ham ikki martadan to'purar bo'lishgan. Jafar Irismetov hisobida 3 ta, Dragan Cheran hisobida 6 ta to'purarilik bor.

Ketma-ket 8-yil "Paxtakor" futbolchisi chempionat to'purariga aylandi. 2018 yil Tiago Bezerra, 2019-2024 yillarda Dragan Cheran (6 marta) to'purar bo'lishgan.