Superliga. 14-turdan qoldirilgan o'yinlardagi bahsli vaziyatlar yuzasidan Ekspert-hakamlar komissiyasi xulosasi
25 avg 14:33
Yangiliklar
![](https://championat.asia/upload/storage/799793_original.jpg)
![](/upload/storage/799793_220.jpg)
Superliga. 14-turdan qoldirilgan o'yinlardagi bahsli vaziyatlar yuzasidan Ekspert-hakamlar komissiyasi xulosasi
O'zbekiston futbol hakamlari markazi mazkur uchrashuvlar tugagach, Ekspert-hakamlar komissiyasining navbatdagi yig'ilishini o'tkazdi va tur doirasida kuzatilgan bahsli vaziyatlar tahlil qilindi. Bu bellashuvlarda jami 5 ta bahsli vaziyat yuzaga keldi.
Quyida ularning batafsil izohi va chiqarilgan yakuniy qarorlar bilan tanishishingiz mumkin:
1-vaziyat: «Olimpik» - «Nasaf» o'yini: bahsli 11 metrlik jarima zarbasi.
«Olimpik» - «Nasaf» uchrashuvining 59-daqiqasida mehmonlarning 10-raqamli futbolchisi raqib jarima maydonida himoyachi bilan to'p uchun kurashda maydonga yiqildi. Bosh hakam Xushnud Suyunboev VAR orqali holatni o'rgangach, qarshiliklarning 77-raqamli vakili sal oldinroq to'pni qo'l bilan o'ynaganini qayd etdi.
Ekspert-hakamlar komissiyasi qarori: Bu vaziyatda VAR holatga to'g'ri aralashgan. Dastlab mehmonlar futbolchisi to'pni qo'li bilan o'ynagan. Bu kabi hollarda qo'l bilan o'yin qayd etilishi lozim. O'z-o'zidan penalti belgilash uchun asos etarli emas. Komissiya hakamlarning qarorini to'g'ri, deb topdi.
2-vaziyat. «Olimpik» - «Nasaf» to'qnashuvi: mehmonlarning goli.
«Olimpik» - «Nasaf» uchrashuvining 66-daqiqasida mehmonlar burchak zarbasidan so'ng qulay vaziyatga ega bo'ldi va 10-raqamli futbolchi bosh bilan to'pni maydon egalari darvozasiga kiritdi. Bosh hakam Xushnud Suyunboev gol urilgunga qadar mehmonlarning 6-raqamli futbolchisi fol qayd etmagan, deya baholadi. VAR orqali holatni o'rgangan referi golni inobatga oldi.
Ekspert-hakamlar komissiyasi qarori: Bu vaziyatda VAR holatga to'g'ri aralashgan. Hujumchi raqibining ortidan zarba bergan. Bu kabi hollarda gol inobatga olinmasligi va jarima zarbasi belgilanishi lozim. Ekspert-hakamlar komissiyasi tomonidan bosh hakamning qarori noto'g'ri, deb topildi.
3-vaziyat. «Paxtakor» - «Surxon» qarama-qarshiligi: bahsli penalti.
«Paxtakor» - «Surxon» uchrashuvining 21-daqiqasida mehmonlar qulay vaziyatga ega bo'ldi. To'pni o'ziga bo'ysundirmoqchi bo'lgan termiziklarning 3-raqamli futbolchisiga nominal mezbonlarning 23-raqamli vakili qo'pollik ishlatdi. Bosh hakam Akmal Rahimov nuqtaga ishora qildi, VAR ham uning qarorini maqulladi.
Ekspert-hakamlar komissiyasi qarori: Bu vaziyatda himoyachi raqibiga nisbatan o'yin qoidasini buzgan. Ekspert-hakamlar komissiyasi hakamlarning qarorini to'g'ri, deb hisoblaydi.
4-vaziyat. «Paxtakor» - «Surxon» qarama-qarshiligi: bahsli qizil kartochka.
«Paxtakor» - «Surxon» uchrashuvining 28-daqiqasida mehmonlarning 11-raqamli futbolchisi qulay imkoniyatga chiqib borayotgan paytda poytaxtliklar posboni qo'pollik ishlatib uni to'xtatib qoldi. Bosh hakam Akmal Rahimov darvozabonga sariq kartochka ko'rsatdi, VAR ham uning qarorini maqulladi.
Ekspert-hakamlar komissiyasi qarori: Bu vaziyatda posbon qulay vaziyatga chiqib borayotgan raqibiga nisbatan fol qayd etgan, ammo hujumchi raqib darvozasiga nisbatan o'tkir burchakka qarab ketayotgani bois vaziyat qizil kartochka berishga arzimaydi. Ekspert-hakamlar komissiyasi hakamning qarorini to'g'ri, deb hisoblaydi.
5-vaziyat. «Paxtakor» - «Surxon» qarama-qarshiligi: bahsli qizil kartochka.
«Paxtakor» - «Surxon» uchrashuvining 51-daqiqasida mehmonlarning 10-raqamli futbolchisi toshkentliklarning 23-raqamli azosi bilan to'qnashib ketdi. Garchi u to'pga birinchi tekkan bo'lsada, o'zini to'xtata olmagani bois raqibining oyog'iga zarba berdi. Bosh hakam Akmal Rahimov futbolchiga sariq kartochka ko'rsatdi.
Ekspert-hakamlar komissiyasi qarori: Bu vaziyatda futbolchi raqibiga nisbatan o'yin qoidasini buzgan, ammo birinchi to'pga tekkani uchun vaziyat qizil kartochka berishga arzimaydi. Bu kabi hollarda futbolchi ehtiyotsizligi uchun sariq kartochka bilan jazolanishi lozim. Ekspert-hakamlar komissiyasi hakamning qarori to'g'ri ekanini malum qiladi.
O’xshash yangiliklar
![AMP Logo](https://championat.asia/image/logo-amp.png)
Fikrlar
Bittasi hakamni ogʻzini yopish uchun bittasi yutish uchun. Nasafga bu yil juda qiyin boʻladi
Nasaf chempion)
Бу Пахтакор Сурхон уртасидаги 1-даврадаги уйин ушанда хам Пахтакор дарвозабонига кизил эмас сарик берилганди туп эса уткир бурчакка эмас дарвоза томонга кетаяпти кечаги бахсда туп уткир бурчакка кетяпти дейилмокда кайси коида тугри ёки ростдан хам хакамлар савиясизми ?
Айтгандай Диёр Равшанни эркатойи А.Асимовни ва Ш.Косимовни дисфликацияси качон тугайди