Sunnatillo Ermatov: "Maqsadimiz Superligada ham yaxshi natijalarga erishish va munosib qatnashish"

- Sunnatillo, avvalambor "Turon" jamoasini Superliga yo'llanmasiga ega chiqqanligi bilan tabriklaymiz. Bu yilgi mavsum sizda qanday taassurot qoldirdi?
- Bu yilgi mavsum judayam ko'tarinki ruhda o'tdi.Ayniqsa PRO-Liga o'yinlari televidenie orqali jonli efirda namoyish etilgani ko'pchilik futbol muxlislarini xursand qildi. Bundan tashqari joriy mavsumda mazkur chempionatning saviyasi ko'tarilganligi sezildi. SHunday davom etsa, futbolimiz yanada ryvojlanadi deb o'ylayman. PRO-Ligaga bo'lgan etibor uchun tashkilotchilarga minnatdorchilik bildiraman.

- Endilikda "Turon" O'zbekiston Superligasida o'ynaydi. Yangi mavsum oldidan nimalarni ayta olasiz?
- Mavsum yakuniga etdi. Dekabr oyi davomida bizga tatil berilgan. Og'ir mavsum o'tkazdik, PRO-Ligada hech qaysi jamoaga oson bo'lmadi. Tatilni oilamiz bag'rida o'tkazib nasib bo'lsa yanvar oyidan mashg'ulotlarga kirishamiz. Maqsadimiz Superligada ham yaxshi natijalarga erishish va munosib qatnashishdan iborat" - deydi "Turon" yarim himoyachisi.

Farhodjon Uzaqov yozib oldi.