Sohib Narzullaev: "CHirchiqliklar biz uchun azaliy va noqulay raqib"

Uchinchi kunning ikkinchi o'yinida "Kogon" jamoasi "Maksam-CHirchiq"ni mag'lubiyatga uchratdi. Uchrashuvdan keyin kogonliklar sardori Sohib Narzullaev fikrlarini bildirib o'tdi.

"CHirchiqliklar biz uchun azaliy va noqulay raqib hisoblanishadi. SHunga qarab tayyorgarlik ko'rgan edik. G'alabaga bo'lgan kuchli istak evaziga uch ochkoni qo'lga kiritdik, lekin bugun raqib ham kuchli o'yin ko'rsatdi.

Bugungi o'yinda birinchi navbatda omad biz tomonda bo'ldi, ikkinchidan murabbiyimizning uchrashuvga tanlagan to'g'ri taktikasi qo'l keldi. Bir nechta vaziyatlarda raqib o'ynovchi darvozabon bilan chiqqanida to'p uzoq burchakdagi futbolchiga etib bordi, baxtimizga o'sha vaziyatlar golga aylanmadi. Hisobimiz bo'yicha o'sha paslar o'tmasligi kerak edi, lekin 2-3 holatda o'tib ketdi. Bunday xatolar uchrab turadi", - deydi Sohib Narzullaev.