“So'g'diyona” bir hafta ichida 3ta o'yin o'tkazadi

Bizga xabar berishlaricha, jizzaxlik futbolchilar 1 fevralgacha yana 3ta nazorat uchrashuvida maydonga tushishadi.

Jumladan, Davron Fayziev shogirdlari 25 yanvar kuni Toshkentning “Obod” jamoasi bilan to'qnash kelishadi. Bu uchrashuv katta ehtimol bilan “Obod”ning suniy qoplamali maydonida bo'lib o'tadi.

27 yanvar kuniga ham bitta o'yin o'tkazilishi rejalashtirilyapti. Bugun yoki ertaga raqib jamoa nomiga oydinlik kiritiladi. Agar oliy liga jamoasi bo'lmagan taqdirda, aniq 1-liga klubi bilan o'rtoqlik o'yini tashkil etiladi.

Va nihoyat, yana bir uchrashuv 1 fevralga belgilandi. SHu kuni “So'g'diyona” jamoasiga “Qizilqum” klubi raqiblik qiladi. Mazkur o'yin “Bunyodkor” akademiyasi maydonida o'tkaziladi.