Sky Sport Germany: Rafinya Bavariyaga o'tishi mumkin

 Sky Sport Germany xabariga ko'ra, 26 yoshli braziliyalik futbolchining o'yini myunxenliklar bosh murabbiyi Tomas Tuxelga yoqadi. “Barselona” argentinalik hujumchi Lionel Messini qo'lga kiritish uchun klubdagi futbolchilarning maoshlarini qisqartirishi kerak. 

2022/23 yilgi mavsumda Rafinya kataloniyaliklar safida barcha musobaqalarda 50 ta o'yinda maydonga tushib, 10 ta gol va 12 ta golli uzatmaga mualliflik qilgan. Braziliyalik futbolchi o'tgan yozda “Barsa”ga o'tgan edi. Yarim himoyachining Kataloniya klubi bilan shartnomasi 2027 yilning iyun oyi oxirigacha amal qiladi. Transfermarkt internet portaliga ko'ra, futbolchining taxminiy narxi 50 million evroga baholanmoqda