Skoulz: "Manchester Yunayted" chempionlik uchun davogarlik qilmaydi"
09 avg 2018 12:55
Yangiliklar

Skoulz: "Manchester Yunayted" chempionlik uchun davogarlik qilmaydi"

Teglar : Pol Skoulz

"Manchester Yunayted" sobiq yarim himoyachisi Pol Skoulzning fikricha, MYU futbolchilari jamoaning qoniqarsiz holati tufayli norozi.

"Men ham sodir bo'layotgan voqealardan norozi bo'lardim. Futbolchilar Joze Mourino qo'l ostida futboldan rohat olishmayotgan ko'rinadi.

Agar ularning o'rnida bo'lganimda va shu uslubda o'ynaganimda, men ham xafa bo'lardim. Odatda bosh murabbiy ularning o'yini tomoshabop bo'lishini istaydi. Afsuski, so'nggi vaqtlarda "Manchester Yunayted" bu ishni juda kam amalga oshirmoqda.

Mourino qiyin vaziyatda. Uning jamoasi chiroyli o'yin ko'rsatmayapti, biroq MYU chempionlikka ham davogarlik qilmayapti. Mourino istefo berishi mumkin.

Ammo u katta tajribaga ega. Mourino avval ham qiyin vaziyatlarda qolgan. Ammo hozirgi holatda "Manchester Yunayted" chempionlikka davogar bo'la olmasa kerak" - deydi Skoulz.

Havola :

Manba : Daily Mail

Yangiliklarni Telegramda o'qing!

Reyting: +11