"Sizningcha, biz hammamiz ahmoqmiz va terma jamoa uchun yaxshiroq bo'lishini istamaymiz. SHundaymi?"

"Agarda boshqa variant bo'lmasa, umuman o'ynamay qo'ya qolganimiz yaxshimi? 

Siz o'ylaysizki, RFIdan yoki murabbiylar shtabidan kimdir, jumladan men ham, Vetnamga boramiz deb ko'zimiz uchib turganmidi? Agarda o'yinimizni Rossiyada o'tkazish uchun kichik bo'lsa ham imkoniyat bo'lsa, biz undan voz kecharmidik? SHunday savollar beryapsizki, aslida ularga javob topish juda ham oson. Albatta, Aleksandr Dyukovdan boshlab, mengacha bundan kuchliroq raqiblarga qarshi, Rossiyada to'p tepishni istaymiz. Biroq buning imkoni deyarli yo'q.

Agar biz umuman o'yin o'tkazmasak, qiziqish ko'proq bo'ladimi? Mana ko'ryapsizmi, Vetnam va Tailand bilan o'ynayapmiz hamda hozir siz bilan shu haqida gaplashyapmiz. Agarda umuman o'yin bo'lmaganida, siz bilan hattoki ko'rishmasdik. Keyin siz taxminan quyidagicha izoh qoldirardingiz: "Bu nimasi, umuman raqib topilmadimi?". Sizga hech nima yoqmaydi. Tushunmayman, siz boshqa parallel olamda yashaysizmi va shuning uchun vaziyatni tushunmayapsizmi? Sizningcha, biz hammamiz ahmoqmiz va terma jamoa uchun yaxshiroq bo'lishini istamaymiz, shundaymi? Aslida barchasi oddiy, hozir bundan kuchliroq raqib bilan o'yin tashkillashtirishning imkoni yo'q".