Bloknotlar, turli rangdagi ruchkalar, flomasterlar, lineyka, stiker va bir necha soat ish - siz hayron bo'lasiz, ammo buning 2015 yilda ham iloji bor. Bugun sport o'yinlarini tomosha qilishda bizga yordam beradigan sharhlovchilar haqida yozamiz.

Radioda paydo bo'lishidan oldin, Barns qassob bo'lib va "Sainsbury's" supermarketlar tarmog'ida menejer bo'limida ishlagan. Bu ishlarda uning eng yomon xotiralari saqlanib qolgan: kesish va tonggi soat ettida jigarlarni plastik konteynerga joylash.
Barnsning otasi arxitektor bo'lgan. Bolaligida u otasi oq qog'ozga chizgan eskizlarni tomosha qilishni, rasm chizishni yaxshi ko'rar edi. Keyinroq u ishi bo'yicha "Nyukasl" bilan evrokubok musobaqalari doirasida boshqa shaharlarga yo'l olardi. U har bir shaharda galereyalarni tomosha qilishga harakat qilar edi.
Barns 1992 yilda birinchi marotaba futbol haqida malumot yiqqan. 2003 yildan u "Sanderlend" muxbiri sifatida ishlay boshlagan, 2008 yildan esa Barns jamoaning birorta uchrashuvini o'tkazib yubormagan.
Barnsning bloknotida har bir uchrashuv uchun malumot bo'lgan. Birinchi sahifa "Sanderlend" raqibi haqida standart malumot bo'lar edi: o'tgan uchrashuvning boshlang'ich tarkibi, jamoaning so'nggi natijalari, stadion haqida malumot (mehmondagi o'yinlarda) va boshqa detallar. Ikkinchi bet o'yin protokoli, efir davomida yangilanar edi.

"Nimanidur yozayotganimda maydonda xavfli vaziyat bo'lib, kimdur gol urishi mumkin. Bunday paytda yonimdagiga yoki xodisani qaytarib ko'rsatadigan monitorga ishonch bildiraman" - deydi Nik.

Barnsning instrumentlari: Flomasterlar to'plami, tekst ajratuvchilar, 0,5 mmli "Pilot"ning qizil va qora ruchkalari, yana bir nechta ruchka, chizg'ich va bloknot. Avvaliga u oksfordcha variantdagi daftarga yozar edi, hozir esa A4dan kattaroq bo'lgan "Leuchtturm1917"ni qo'llamoqda.

Bu chizmaning umumiy ko'rinishiga etibor bering - klub logotipi suratidan tribunalar nomi yozilgan stadion sxemasiga qarang. Jamoa emblemalari rangli printerda chiqariladi. Umuman olganda bu ko'rinishga 3-4 soat ketadi. "To'g'irlash uchun xato topiladi. Kamdan-kam xolatlarda ko'nglim to'ladi" - deydi Barns.

Mart oyida Nik 340ta shunday protokol yig'ilib qolganini aytgan edi - bularning bari 8ta qalin bloknot ichida. Bazi sahifalar xatto jamoa bosh murabbiylari dastxati bilan to'ldirilar edi.

Davomi bor...