Sirojiddin Rahmatullaev: “Mashal” tarbiyalanuvchisi bo'lganimdan faxrlanaman”

Ana shunday futbolchilarimizdan biri bo'lgan va ayni paytda Malayziya chempionatida to'p tepayotgan futbolchi, Sirojiddin Rahmatullaev bilan qisqa suhbat uyushtirdik.

- Men bolaligimdan futbolga qiziqardim, millionlar o'yiniga mehrim bo'lakcha edi. Futbolchi bo'lishimga dadam sababchi bo'lganlar, 8 yoshimdayoq futbol sir asrorlarini o'rgana boshladim va 2007 yil fevralida men uchun qadrdon “Mashal” akademiyasiga kelganman. Akademiyadagi ustozlarim Boris Serostanov va Vadim SHodimatov meni haqiqiy professional futbolchi bo'lib etishib chiqishimga o'z xissalarini qo'shishdi. Bir so'z bilan aytganda Mashal”dan qarzdorman va ushbu klubda tahsil olganim bilan faxrlanaman, - deydi Rahmatullaev.

- Siz Malayziyaning “Bola Sepak ATM”  jamoasi azosisiz bu jamoadagi imkoniyatlarni qanday baholaysiz?
- Jamoamda meni hamma sharoitlar va qulayliklar to'liq qoniqtiradi. Avvaliga ko'nikish biroz qiyin bo'ldi endi esa ancha moslashib oldim.

- ATM da qaysi chiziqda to'p surayapsiz?
- Avvaldan o'zi yarim himoyachi bo'lganman, hozir ham ayni shu chiziqda o'ynayapman, bu menga yoqadi.

- “Mashal” safidagi debyutingizni eslay olasizmi?
- Ha bu kechagidek esimda, 2012 yil Farg'onada “Neftchi”ga qarshi bo'lib o'tgan bahsda meni o'sha vaqtdagi murabbiy Fomichov asosiy tarkiba maydonga tushirgandi.

- “Bola Sepak ATM” bilan yangi shartnoma imzoladingizmi.
- Men Yaqinda “Bola Sepak ATM” bilan yangi shartnoma imzoladim. Kecha Malayziya premer-ligasida debyut uchrashuvimni o'tkazdim.

- Kelajakdagi rejalaringiz qanday?
- Kelajakda “Mashal” safida O'zbekiston chempioni bo'lishni orzu qilaman.