SHukurali Po'latov: O'z oldiga aniq maqsad qo'ygan klubda o'ynashni xohladim

 Himoyachi “qaldirg'ochlar” bilan ikki yillik shartnomaga imzo chekdi.

“Bunyodkor”ning yangi azosiga aylangan Po'latov bilan qisqacha suhbatlashdik.

- SHukurali, “Bunyodkor” jamoasini tanlashda nimalarni inobatga oldingiz?
- “Neftchi”dan “Bunyodkor”ga o'tishni albatta oldinga tashlangan qadam sifatida aytgan bo'lardim. Har bir futbolchi kuchli jamoada o'zini sinab ko'rishni istaydi. SHaxsan men o'z oldiga yuksak maqsadlarni qo'yadigan, doimo chempionlikka intiladigan klubda to'p tepishni xohladim. SHuningdek, “Bunyodkor” bilan Osiyo CHempionlar ligasida ham muvaffaqiyatli ishtirok etmoqchiman.O'ylaymanki, bu borada “Bunyodkor” taklifini qabul qilib to'g'ri qarorga keldim.

- “Bunyodkor”ga o'tishdan avval kimlar bilan maslahatlashdingiz?
- O'z yaqinlarim – oilam va do'stlarimdan maslahat so'radim.

- Endi Siz yangi muhit va yangi jamoa bilan faoliyat olib borasiz. “Bunyodkor”dagi ilk taassurotlaringiz qanday?
- Ochig'ini aytsam, o'zim o'ylaganimdan ham ahil kollektiv bilan birga mashg'ulot o'tkazayotganimdan xursandman. Jamoadagilar meni iliq qarshi olishdi. Bu esa “Bunyodkor”ga tez moslashib ketishim uchun juda muhim.

- “Neftchi”ni tark etishingizga farg'onaliklar qanday qarashdi?
- 10 dekabr kuni “Neftchi” bilan tuzgan shartnomam muddati yakuniga etgan edi. SHunday bo'lsa-da, klub qarorgohiga borib, raxbariyatga va murabbiylar shtabiga minnatdorchilik bildirdim. O'zimni kuchliroq jamoada sinab ko'rmoqchi ekanligimni tushintirib, do'stona xayyorlashdim. Muxlislar ham bu qarorimni qo'llab-quvvatlashadi, deb o'ylayman. O'zi hayot shunaqa – bir narsaga erishi uchun boshqasidan voz kechish kerak!

- “Bunyodkor”ga qanday maqsadlar uchun keldingiz?
- Mavsumoldi tayyorgarliklar paytida o'zimni ko'rsatishim va asosiy tarkibga kirishim kerak. Maqsadlarga kelsak, agar asosiy tarkibda o'ynab tursam, o'ylaymanki maqsadlarim ro'yobga chiqadi. CHunki “Bunyodkor” o'z oldiga eng yuqori maqsadlarni qo'ygan.

Bahodir MIRZAEV suhbatlashdi.