SHukur Jumaboev: “Qizilqum” - yuqori o'rinlar uchun kurashishga munosib jamoa”
16 avg 2016 17:31
Yangiliklar

SHukur Jumaboev: “Qizilqum” - yuqori o'rinlar uchun kurashishga munosib jamoa”

Oliy liga o'n sakkizinchi turdan o'rin olgan “Olmaliq” - “Qizilqum” jamoalari uchrashuvidan (2:3) so'ng, navoiyliklar yarim himoyachisi SHukur Jumaboevning fikrlari bilan qiziqdik.

- Safarda g'alaba qozonganimizdan xursandmiz, - deydi SHukur Jumaboev. - Mehmonda “Olmaliq”ni osonlikcha engganimiz yo'q, albatta. Navoiyda tobora kuchli jamoa shakllanmoqda. Tarkibimizda tajribali o'yinchilarning ko'pligi evaziga navbatdagi ochkolarni qo'lga kiritdik. “Qizilqum” - yuqori o'rinlar uchun kurashishga munosib jamoa, deb bemalol ayta olaman. Boshlang'ich tarkibda yoki zaxiradan o'yinga qo'shilamanmi, buning unchalik ahamiyati yo'q. Asosiysi, jamoamning yutug'i uchun hissa qo'shsam deyman. Maqsadimiz esa har bir o'yinni hujumkor ruhda o'tkazib, o'z muxlislarimizga quvonch hadya etishdir.

“Qizilqum” PFK Matbuot xizmati.

Havola :

Manba : championat.asia

Yangiliklarni Telegramda o'qing!

Reyting: +5