SHuhrat Maqsudov: "Klub bilan shartnomasi bor futbolchilarimizga bizga malum qilmasdan aloqaga chiqishmoqda. Bu yaxshi emas"

- "Paxtakor"ni g'alaba bilan tabriklayman. Uchrashuvga jiddiy tayyorgarlik ko'rgandik. Sababi, raqib O'zbekiston chempioni. Yigitlar barcha ko'rsatmalarni to'liq bajarishdi. Hozir kiyim almashtirish xonasida yigitlarga rahmat dedim. Qaerdadir xato qildik, ayniqsa penaltida, lekin natija bellashuvga mos bo'lmadi. Nazarimda eng kamida durangga loyiq o'yin ko'rsatgandik. Ammo hozir buni gapirishdan foyda yo'q.

Hamma o'z imkoniyatidan kelib chiqadi. Davralar oralig'ida o'yinchi ololmadik, aksincha ikki nafar futbolchi jamoamizni tark etdi. Bu achinarli hol. Biroq biz qarab o'tirmadik. Akademiyadan yoshlarni tarkibga jalb qildik. SHu tartibda ishlayapmiz.

Hujumdagi muammolar bo'yicha kurashyapmiz, biroq kuchimiz etmayotgan holatlar ham bo'lyapti. Oddiy misol, klub bilan shartnomasi bor o'yinchilarimizga bizga malum qilmasdan aloqaga chiqishyapti, katta-katta vadalar berib chalg'itishyapti. Bu yaxshi emas.