SHuhrat Maqsudov: "El og'ziga elak tutib bo'lmaydi"

O'yin haqida

- O'yin kutganimizdek shiddatli bo'ldi. Bu kutilgan xol edi, chunki chempionatmizda ozgina tanaffus bo'lib yana boshlash hamma jamoa uchun qiyin kechishi malum. G'alaba bilan futbolchilar, muxlislarni chin ko'ngildan tabriklayman.

- "Bunyodkor" dastlabki daqiqalardanoq bosim uyushtirdi. Avvalgi uchrashuvlarda yo'l qo'yilgan xatolar ustida ishlangani ko'rindi...
- Oldingi o'yinlardan birini ham siz shu savolni bergandingiz. Biz o'yindan keyin tahlil qilganmiz. Futbol jamoaviy o'yin, birdaniga natijaga erishish qiyin. O'yinni yaxshi tomonga o'zgartirish uchun vaqt zarur bo'ladi. Bugun siz ham ko'ribsiz, yaxshi tomonga o'zgartira olgan bo'lsak xursandman.

- Ibrohim Tomiva mahoratli futbolchi. Lekin kerakli vaziyatlarda uzatmalarni amalga oshirmayapti...
- Buni biz ham sezganmiz. Bugun uni Mirjahon Mirahmadovni o'rniga tushirganimiz sababi uning tezkorligi, individual mahoratga ega ekanligi edi. "Oq-tepa" safida ko'rsatgan o'yinlari manga juda yoqqandi. Ming afsus, o'sha Tomivani o'zim ham taniy olmayapman. Umid qilayapmiz, ajab emas keyingi o'yinlarda o'zini ko'rsatib qolsa.

- Futbol jamoatchiligi orasida "SHuhrat Maqsudov qo'g'irchoq murabbiy, aslida hamma ishni Vadim Abramov bajaradi" qabilida gap-so'zlar yuribdi...
- Endi elni og'ziga elak tutib bo'lmaydi. SHu sababdan men bu savolga masalan Vadim Abramov terma jamoa bosh murabbiyi ekanligini siz bilan biz yaxshi bilamiz. Kim nima deyishini menga qizig'i yo'q. Qiziqayotganlar bo'lsa kelib mashg'ulotlarimizni ko'rsin, o'shanda o'zlari amin bo'lishadi.

Vadim Karlenovichni nafaqat "Bunyodkor"ga, balki boshqa jamoalarni o'yinlariga borib kuzatishga, terma jamoa tarkibiga jalb etilgan futbolchilarni nazorat qilishga haqqi bor fikrimcha.