SHota Arveladze yangi mavsumdan oldin "Paxtakor"ga qanday futbolchilar olib kelinishini aytdi

O'ylashimcha uchrashuv biz uchun yaxshi o'tdi. O'yinni nazorat qildik. Har uch kunda maydonga tushayotgan futbolchilar g'alaba qozonishdi va mavsumdagi 105-golimizni urishdi. Raqibning o'z vazifasi bor edi, ular kuchli uchlikka kirishga harakat qilishmoqda. Biz esa chempionlikka erishib bo'ldik, ammo maydonga tushib chiroli futbol ko'rsatishimiz kerak. Yaxshi kun va yaxshi g'alaba bo'ldi.

- Mavsum deyarli tugadi, "Paxtakor"ning eng yaxshi futbolchisi kim bo'ldi sizningcha?
- Bitta futbolchini alohida ko'rsatish qiyin. Sababi butun mavsum davomida ko'plab futbolchilar yaxshi o'ynashmoqda. Masalan, Masharipov bu yil 40ta golli pas berdi. Kimdir esa shuncha gol urdi. Futbolda pas bergan o'yinchi juda muhim hisoblanadi.

- Taqvim haqida qanday fikrdasiz?
- To'g'risi hammasi yaxshi ketayotganida taqvimga etibor ham bermas ekansan. To'g'risi bu erga kelib ilk bor "ko'zguli" taqvimga guvohi bo'ldim.

- Yangi mavsumdan oldin qaysi chiziqni kuchaytirmoqchisiz?
- Har bir chiziqda yaxshi futbolchilar bo'lishini xohlayman. Yangi mavsumdan oldin bu tarkibdagi futbolchilarga raqobat tug'dira oladigan o'yinchilarni olib kelmoqchimiz.

- Igor Sergeev bu mavsum juda sermhsul o'ynamoqda...
- Agar yodingizda bo'lmasa 2017 yil ikkinchi davrada 14ta o'yinda 11ta gol urgandi va chet elga ketgandi. Igor gol urishni biladi, unda qiyin davrlar bo'ldi, muxlislar uni qo'llab-quvvatlashdi.