SHota Arveladze: "CHempionlik sari yana bir qadam tashladik"

"Qishki havoda birinchi o'yinni o'tkazdik. Bugun havo ancha sovuq bo'ldi. Endi yanada ko'proq yugurish kerak. Bu maydonda o'ynash oson emas. Mezbonlarga ham bunday maydonda o'ynash xush kelmagan kerak deb o'ylayman. Maydon holati achinarli. Tez va chiroyli o'yin ko'rsatish qiyin. O'yinni nazorat qildik, ishonchli harakatlandik. To'rtta chiroyli gol urdik. Mezbonlarda goldan tashqari yaqqol vaziyatlar bo'lmadi. CHempionlik sari yana bir dadil qadam tashladik",- deydi SHota Arveladze.

- Bugun uchrashuv nazoratchi hakamiga ko'p etiroz bildirdingiz...

- Barchasi hissiyot sabab. Har bir o'yindan keyin hissiyotlarga berilib ketganim sabab uzur so'rayman. U yonimda bo'lgani uchun o'yinni muhokama qildim. Diyor Holmatovni yaxshi debyut bilan tabriklayman. U ilk bahsdayoq hafta golini urishga erishdi. Bizda iqtidorlar bor va ular o'sib borishi kerak.

- Mavsum yakunlanishiga beshta tur qoldi. "Paxtakor"ni chempion deb hisoblaysizmi?

- Biz bu borada yaxshi imkoniyatga egamiz. "Mashal"da yaxshi jamoa va tizim shakllangan. Bu jamoaga omad tilayman. Bu klubdan ajoyib o'yinchilar etishib chiqqan.