SHota Arveladze: "Bunyodkor"da sifatli maydon bo'lishi kerak, bu O'zbekiston terma jamoasi uchun muhim"

"Birinchi navbatda "Nasaf"ga qarshi o'ynash doim yoqimli. Sababi raqib hujumkor o'ynaydi, qobiliyatli yosh futbolchilar to'p tepishadi. Murabbiy doim taktik tomonlama qiyinchiliklar tug'dirishga harakat qiladi. Birinchi taymda "Nasaf" klassik uslubda hujumchi ortidagi sxema bilan harakat qildi, ikkinchi taymda esa sxema o'zgardi, 5-2-3ga o'tishdi. Ammo biz ham bunga tayyor edik va taktik tomonlama aqlli qarshilik qildik.

Afsuski, "Bunyodkor"dagi maydon holati baribir yanada yaxshi o'ynashga imkoniyat bermayapti. Bundan keyin tiklanish ham qiyin bo'ladi. O'ylaymanki, mamlakatda stadionlar holatlari yaxshilanib boraveradi. Sababi hujumkor o'yin namoyish etadigan "Bunyodkor" uchun ham, O'zbekiston milliy terma jamoasi uchun ham sifatli maydon kerak.

Javohir Sidiqov professional futbolchi. Unga doim ishonganman. Abdullaevga ham, Komilovga ham ishonamiz. Sidiqov deyarli bir yil davomida jarohatidan davolandi. Qo'shimchasiga operaciya qilingan joyida ikki bor infekciya paydo bo'ldi. Pandemiya vaqtidagi vaqt unga qo'shimcha imkoniyat bo'ldi. Mashg'ulotlar vaqtida juda yaxshi ishlaydi.

Umid qilamanki, OCHLga yaxshi formada etib boramiz. Yigitlarimiz 3 hafta davomida davolanishganini unutmang. Kimdir antibiotiklar bilan, kimdir ularsiz. Kimdadir yo'tal bo'ldi, kimdadir boshqa narsa. Ruhiy tomonlama ham qiyinchiliklar bo'ldi. Bugun yigitlar yana bir bor xarakter namoyish etishdi. Masalan, CHeran bugun penaltini Sergeevga berdi. Bu o'zi qo'rqqanidan emas, shunchaki Sergeevni qo'llab-quvvatlash uchun berdi. Buni murabbiylar yoki boshqa odam aytgani yo'q. Bu jamoa uchun muhim jihatlardan biri", - deydi SHota Arveladze.