"SHo'rtan"ning mag'lubiyatli seriyasi 5ta o'yinga etdi

Bu 2005 yildan buyon oliy ligada ishtirok etayotgan "SHo'rtan" klubining eng yomon starti bo'ldi. 1992 yildan buyon o'tkazib kelinayotgan oliy liga tarixida dastlabki 5ta turning barchasida mag'lub bo'lish holati ikki marta uchragan. 

2007 yilda Bekobodning "Metallurg" klubi dastlabki 6ta o'yinning hech birida ochko ololmagan edi. 7-turga kelibgina jamoa durang qayd etib dastlabki ochkosini qo'lga kiritgandi. O'sha yil "Metallurg" 16 jamoa orasida 15-o'rinni band etib oliy ligada qolishga erishgandi.

2013 yilda dastlabki 6ta uchrashuvdan so'ng "Qizilqum" klubi hisobida 0 ochko bor edi. 7-turda g'alabaga erishgan "Qizilqum" o'sha yil 14 jamoa orasida 12-o'rinni band etgan va elitada qolgandi.

Malumot uchun, "SHo'rtan" klubi 6-turni 24 aprel kuni o'z uyida "Lokomotiv"ga qarshi o'tkazadi.