“SHo'rtan” uchinchi yig'inni boshladi

Avvaldan ishlab chiqilgan rejaga ko'ra bu bosqich ham poytaxtda tashkillashtiriladi.

Xabaringiz bor, Muxtor Qurbonov boshqaruvidagi jamoa 7-19 yanvar kunlari G'uzorda (birinchi bosqich) keyin esa 25 yanvardan 5 fevralga qadar bo'lgan muddat oralig'ida Toshkentda (ikkinchi bosqich) tayyorlanishdi.

Ayni shu kunlarda bo'ladigan mashg'ulotlar jarayoni yana Oliy ligaga qaytish maqsadida jiddiy tayyorlanayotgan jamoa uchun juda ham muhim hisoblanadi. Bu davrda asosiy etibor o'yin amaliyotiga qaratilishi rejalashtirilgan. “SHo'rtan” futbolchilari mashg'ulotlar bilan bir qatorda, nafaqat sinov nazorat uchrashuvlarini o'tkazishadi, balki har yili mavsum arafasida tashkillashtiriladigan PFL Kubogi turnirida ham ishtirok etishadi. Bunday holatda bosh murabbiy Muxtor Qurbonov futbolchilarga o'zlarini ko'rsatishlari uchun ko'proq imkoniyat berishni ham ko'zlab turibdi. Yani yig'inda qatnashayotgan futbolchilarni ikki tarkibga bo'lgan holda PFL Kubogi turniri hamda o'rtoqlik uchrashuvlarida maydonga imkon qadar 90 daqiqadan tushirishni o'ylab turibdi.  

Eslatib o'tamiz, “Oq bo'rilar” jamoasi PFL Kubogidagi dastlabki uchrashuvlarini ertaga – 11 fevral kuni “Navbahor”ga qarshi o'tkazadi.   

“SHo'rtan” jamoasining joylashgan guruhi va o'yinlari taqvimini etiboringizga havola etamiz:

“D guruhi
Navbahor (Namangan)
Lokomotiv (Toshkent)
Paxtakor-2 (Toshkent)
SHo'rtan (G'uzor)

1-tur. 11 fevral
Navbahor - SHo'rtan 11.00, CHig'atoy
Lokomotiv - Paxtakor-2 13.30, CHig'atoy

2-tur. 13 fevral
SHo'rtan - Paxtakor-2 11.00, CHig'atoy
Navbahor - Lokomotiv 13.30, CHig'atoy

3-tur. 15 fevral
Lokomotiv - SHo'rtan 11.00, CHig'atoy
Paxtakor-2 - Navbahor 13.30, CHig'atoy