"SHo'rtan" klubida futzal bo'yicha seminar bo'lib o'tdi
19 jan 2024 18:47
Yangiliklar

"SHo'rtan" klubida futzal bo'yicha seminar bo'lib o'tdi

"SHo'rtan" professional futbol klubi qoshida futbolning futzal turi bo'yicha yangi jamoa tashkil etildi.

Jamoa 2024 yilgi futbol mavsumida O'zbekiston Futzal Birinchi Liga chempionatida ishtirok etadi.

Bugun G'uzordagi “SHo'rtan” PFK bazasida “SHo'rtan” futzal jamoasi uchun seminar tashkil etildi. Seminarni "Nasaf" futzal jamoasi bosh murabbiyi Alisher Yusupov olib bordi. Unga klub vakili sifatida "SHo'rtan" futbol akademiyasi direktori Elyor Tog'aev va futzal jamoa bosh murabbiyi Akmal Saitqulov ko'maklashdi.

Futzal bo'yicha katta tajribaga ega bo'lgan Alisher Yusupov yangi jamoaga futzalga oid tajribalari bilan o'rtoqlashdi va futzal jamoamiz vakillarining qiziqtirgan savollariga javob berdi.

Seminar so'ngida “Nasaf” futzal jamoa murabbiyi Alisher Yusupov yangi tuzilgan "SHo'rtan"ga omad va zafarlar tiladi.