SHohmalik Komilov: "Nasaf"ga kuchli bo'lib qaytaman"

Bundan maqsad ularning muntazam ravishda o'yin amaliyotiga ega bo'lishidir. Ushbu so'zimizni yarim himoyachi SHohmalik Komilov ham tasdiqlagan holda yana qo'shimcha qildi. 

"O'zim ham shunday o'ylayman. Ro'ziqul akani oldilariga kirganimda qo'llab-quvvatlagan holda yaxshi formada qaytishimni takidladilar. Nasib qilsa, "Nasaf"ga yanada kuchli bo'lib qaytaman. "Dinamo"ga o'ynash uchun keldim. Xudo xohlasa, yangi mavsumni Samarqandda boshlayman",- deya gap boshladi futbolchi.  

- "Ajdarlar" bilan o'tgan 2021 yilgi mavsumdan qanday taassurotlar qoldi?

- OFK kubogida yomon ishtirok etmadik. Hammasi o'z qo'limizda edi. Yakunda O'zbekiston kubogida g'olib chiqib muxlislarimizga sovrin taqdim qildik. 

- "Nasaf"da faqat bitta murabbiy qo'l ostida o'ynadingiz. Ro'ziqul Berdievni talablari, falsafasini tushunib olgansiz. "Dinamo"da Predrag Rogan xorijlik murabbiy hisoblanadi. Uning ko'rsatmalarida qanday tafovut sezyapsiz?

- Ko'proq himoyani tartibga keltirish ustida ishlayapmiz. To'pni olidirib qo'ygan joyimizda kurashni boshlashimiz kerakligini aytyapti. Bunday ko'rsatma hamma murabbiylarda bo'ladi, deb o'ylayman. Predrag Rogan tartib-intizomga juda qattiq qaraydi. Mayda narsalarni etiborsiz qoldirmaydi. Har bir o'yinda yuz foiz kuchimizni sarflashimiz lozim. Rasmiymi yoki o'rtoqlik buning farqi yo'q. Natija qanday bo'lishidan qatiy nazar maydonga bor narsamizni tashlashimizni talab qilyapti.