SHmeyxel: "Transferlarga ko'p pul sarflasa ham "CHelsi"dagi muhit yaxshi emas"

"Mudrikning transferi uchun katta pul sarflandi. Biroq u hali gol urgani yo'q. Mudrikni top-futbolchi deb hisoblaganman, uning "SHaxtyor"dagi bir qancha o'yinlarini tomosha qilib chiqqandim. Biroq u "CHelsi"da mutlaqo boshqa uslub va yo'nalishda o'ynamoqda.

U katta pul evaziga keldi. "CHelsi" uni "Arsenal"ga o'tib ketayotgan paytda o'ziga jalb qilgani uchun futbolchining atrofida futbolga tegishli bo'lmagan bir qancha muammolar paydo bo'ldi.  Endi undan ko'plab gollar kutishmoqda. Bu jiddiy chorlov. "CHelsi"ning muhiti yaxshi emas. Transferlar uchun katta pul sarflandi va ko'plab futbolchilar olib kelindi, xuddi tarkibda 35 futbolchi borga o'xshaydi. O'yinda esa faqatgina 11 futbolchi maydonga tushadi va ular hozir bir-birini tushunayotgani yo'q", - dedi SHmeyxel.