So’nggi yangiliklar

01:50Дерби олдидан "Манчестер Сити"нинг 4 футболчиси сафга қайтди  1 01:08Жанлуижжи Доннарумма: "Пеп мени жамоасида кўришни истаётганини айтди. Бу мени ғурурлантирди"  1 00:46Расман: Онана - "Трабзонспор" дарвозабони!  16 00:15"Вест Хэм" дербидан олдин мухлисларга тақиқ қўйди  0 23:44Доннарумма "Манчестер Сити"да қайси рақамда ўйнайди?  1 23:29"Реал" "Ливерпуль" марказий ҳимоячисини текинга қўлга киритмоқчи  0 22:57"Атлетик" "Ал Насср" футболчисини рўйхатдан ўтказди  0 22:32УЕФА 2026/27 мавсумидаги еврокубоклар финаллари ўтадиган стадионларни эълон қилди  2 22:16Отабек Нарзуллаев: "Бу мавсум давомидаги энг муҳим учрашувлардан бири бўлди"  0 21:45Элдор Мойлиев: "Футболда ютган жамоага юқори баҳо қўйилади"  1 21:18"Бунёдкор" стадионини ўз ҳолатига қайтариш ишлари бошланди  22 20:49Рональдиньонинг ўғли Чемпионшип жамоасида ўйнайди  4 20:22Суперлига. "Машъал" Ғузорда "Шўртан"дан устун келди  7 19:53Виктор Гёкереш – Португалия чемпионатида мавсумнинг энг яхши футболчиси  0 19:24"Арсенал" икки етакчиси билан шартномани узайтирмоқчи  3

Shavkat Mirziyoev Yuqori Chirchiq tumanida barpo etilgan Milliy futbol markazi bilan tanishdi Yangiliklar

Shavkat Mirziyoev Yuqori Chirchiq tumanida barpo etilgan Milliy futbol markazi bilan tanishdi

Davlat rahbari ikki yil oldin bu erga tashrif buyurib, mavjud stadionga tutash hududda zamonaviy majmua bunyod etish zarurligini aytgan edi.

Ko'p o'tmay, 2023 yil 3 noyabrda “Futbol-talim muassasalari tarmog'ini kengaytirish hamda xalqaro standartlarga mos keladigan futbol infratuzilmasini rivojlantirish chora-tadbirlari to'g'risida” Prezident qarori imzolandi.

Mustaqillik bayrami arafasida foydalanishga topshirilgan mazkur markaz bunda juda muhim bo'g'in. Bu erda bir vaqtning o'zida 6 ta terma jamoamizning o'quv-mashg'ulot yig'inlarini o'tkazish imkoniyati bor. Buning uchun stadionlar, o'quv binolari, sport zallari, mehmonxona barpo etilgan. Plyaj futboli maydoni, futzal maneji, basseyn va reabilitaciya bo'limi qo'shimcha qulayliklar yaratgan.

Majmuada professional futbolchi va mutaxassislarni tayyorlash uchun to'rtta tuzilma tashkil etildi. Bular - Futbol mutaxassislarini tayyorlash va ilmiy-tadqiqot markazi, Futbol terma jamoalari tayyorgarlik markazi, Respublika futbol akademiyasi, Sport tibbiyoti va reabilitaciya markazidir.

Prezidentimiz ularda yaratilgan sharoitlar bilan tanishdi.

Futbol tibbiyoti va reabilitaciyasi bo'limiga xorijiy uskunalar olib kelingan, eng ilg'or uslublar o'zlashtirilgan. Bu futbolchilarga qisqa vaqt ichida jismonan tiklanish imkoniyatini beradi.

Futbol akademiyasida yosh istedodlar saralanib, tarbiyalanadi. Buni xalqaro darajada tashkil etish uchun markazga Argentina, Vengriya va Xorvatiya kabi davlatlardan mutaxassislar jalb qilingan. Ular malakali murabbiy, hakam, tahlilchi, selekcioner va futbol menejerlarini tayyorlashda ishtirok etmoqda. Majmuada “VAR markazi” ham tashkil etilgan.

Davlatimiz rahbari shu erda sport faxriylari va yosh futbolchilar bilan suhbatlashdi. O'zbekistonda futbol eng ommaviy sport ekani, uni rivojlantirish izchil davom ettirilishi takidlandi.

Keyingi yillarda futbol tizimi tubdan yaxshilandi. Bolalar futboli, to'garakalardan tortib akademiyalar, jamoalar, chempionatgacha etibor kuchaydi. Natijalar birin-ketin bo'y ko'rsatmoqda. Ularning eng muhimi – Vatanimiz tarixida birinchi marta milliy terma jamoamiz jahon chempionatiga chiqqani bo'ldi.

Yana bir shonli yutuq aprelda Caudiya Arabistonida bo'lib o'tgan Osiyo kubogida qo'lga kiritildi. 17 yoshgacha bo'lgan o'smirlar terma jamoamiz unda birinchi o'rinni egallab, jahon chempionatiga yo'llanma olgan edi.

Prezident ushbu qahramon futbolchilarimiz bilan uchrashib, ularga mehr-etiborini izhor qildi.

"Biz hamma sohada dunyoda munosib o'rin egallashga intilayapmiz. Sportchilarimiz buni tezroq etkaza oladi. Sizlar irodali g'alabangiz bilan, xalqimiz mehnat qilsa, harakat qilsa, hamma narsaga qodir ekanini yana bir bor isbotladingiz. Butun dunyo sizning timsolingizda azmu shijoatli, g'ururi baland, hech qachon intilishdan qaytmaydigan yangi O'zbekiston avlodini ko'rdi. Endi futbolni hozirgidan ham 2-3 karra ko'proq qo'llab-quvvatlaymiz. Sizdek yoshlar xalqimizning ishonchi, Prezidentning quvonchisizlar", – dedi Shavkat Mirziyoev.

Sportchilar bu sharoitlar uchun davlat rahbariga minnatdorlik bildirib, xalqimiz ishonchini oqlashga vada berishdi.

Reyting: +8   

Fikrlar

+1   
18 avg 20:48:48
DON KARLEONE
Abdusalom Mirzayev foydalanuvchining fikriga javob berish
Бу эски Политодтел, Дўстлик стадиони бўлса керак.
Худди уша эски Дустлик
+1   
18 avg 20:05:39
Адхамжон Низамов
Политотдел
+1   
18 avg 20:02:40
Неф69
Жуда койилмаком ! Президентимиз спортга,айникса футболга катта эьтибор беряптилар,бунинг самарасини аста-секин куряпмиз.
+1   
18 avg 19:32:16
Abdusalom Mirzayev
Бу эски Политодтел, Дўстлик стадиони бўлса керак.
   
19 avg 08:08:41
Vatandoshingiz
ПРЕЗИДЕНТИМИЗГА РАХМАТ
   
19 avg 08:08:23
Vatandoshingiz
FUDBOLDA KORRUPSIYA BOLMASA BOLDI
   
18 avg 22:25:04
Avangard Artelov
Призидентимиз Футболга кизикмши мани хурсанд килади
championat.asia
< so’nggi yangiliklarni ko’rish
Яндекс.Метрика