SHerzod Karimov: “Uzoqdan zarba berishimni Lobanov aytgandi”

Ushbu turda Toshkentning “Paxtakor” klubi o'z uyida Qarshining “Nasaf” jamoasini qabul qildi va 2:1 hisobida g'alaba qozondi. Ushbu uchrashuvdan so'ng “Paxtakor” klubi futbolchisi SHerzod Karimov o'z fikrlari bilan o'rtoqlashdi.

“O'zbekiston kubogida ikki o'yin natijasiga ko'ra “Nasaf”ga imkoniyatni boy berib qo'ygan edik. SHuning uchun ham “Nasaf”ni mag'lubiyatga uchratmasak bo'lmasdi. Avvalgi uchrashuvlarda yo'l qo'yilgan xatolar ustida ishlab ularni bartaraf etdik. SHunga yarasha g'alabaga erishdik. Uchrashuvda yaratilgan vaziyatlardan to'liq foydalana ololmadik. 

Birinchi bo'limdan so'ng Aleksandr Lobanov uzoqroqdan raqib darvozasi tomon to'p bilan zarba berishimni aytgandi. Imkoniyat yaratilishi bilanoq raqib darvozasi tomon to'p bilan zarba berdim va “Nasaf” darvozasini ishg'ol qildim. Bir uchun har bir ochko suv va havodek zarur”, - deydi “Paxtakor” klubi futbolchisi SHerzod Karimov