So’nggi yangiliklar

22:32ЖЧ-2026 саралаши. Қозоғистон ўз уйида мағлуб бўлди  9 22:21Расман: "Манчестер Сити" 40 млн. еврога ҳимоячи сотиб олди  8 22:08Алонсо "Реал"даги илк машғулотини ўтказди  1 21:41Левандовски терма жамоадан кетиши ҳақида: "Мураббий ишончимга хиёнат қилди. Гап ҳатто сардорлик боғичини олиб қўйиш қарорида ҳам эмас, балки бу ҳақда қандай хабар беришганида"  3 21:27Ўртоқлик учрашуви. U23 Ўзбекистон терма жамоаси Қирғиз Республикасини мағлубиятга учратди  0 20:37Ўзбекистон терма жамоасининг Қатар билан беллашувдан олдинги расмий машғулотидан ГАЛЕРЕЯ  10 20:22Хулен Лопетеги: "Катанец жуда яхши ишлар қилиб кетди, энди эса Тимур бу ишларни давом эттирмоқда. Ўзбекистон каби Осиёдаги энг кучли жамоаларга қарши майдонга чиқиш – анча жиддий чақирув"  11 20:05Тимур Кападзе: "Катанец билан бир-биримизни табрикладик. Биз Қатардан ҳар жабҳада кучлимиз"  31 19:37Остон Ўрунов қанча муддатга сафдан чиқди?  12 19:10Сергей Лебедев: "Ўтган ўйиндаги каби ҳаракат қила олмадик"  1 18:53"Интер"нинг бўлажак мураббийи "Парма"ни тарк этди  0 18:32Расман: Николич ЦСКА бош мураббийлигидан кетди  2 18:20"Манчестер Сити" дарвозабони клубни тарк этди  1 17:53"Атлетико" Қозоғистондаги академия қароргоҳи лойиҳасини тақдим этди  3 17:35"Қизилқум"ни энди ким бошқаради?  6

SHerzod Esanov: Biz onlayn turnir jadvalida 2-o'rindamiz va bu bilan to'xtab qolmoqchi emasmiz Yangiliklar

SHerzod Esanov: Biz onlayn turnir jadvalida 2-o'rindamiz va bu bilan to'xtab qolmoqchi emasmiz

Andijon klubi Toshkentda Surxonga qarshi uchrashuvda navbatdagi muhim g'alabani qo'lga kiritdi.

Ushbu o'yindagi birinchi golni iqtidorli yarim himoyachi SHerzod Esanov kiritganidan xabaringiz bor. U penaltidan hisobni ochdi va bu uning «Andijon» tarkibidagi debyut goliga aylandi. O'yindan so'ng Esanovga bir qator savollar bilan yuzlandik.

-SHerzod, o'yin sizda qanday taassurot qoldirdi? Siz kutgandek kechdimi?

-Superligada oson raqibning o'zi yo'q. Har bir o'yinga etarli darajada tayyorlanish kerak, deb o'ylayman.

-Uchrashuvda penaltidan gol urdingiz. O'yindan oldin murabbiy sizga penalti tepishingizni aytganmidi? Har xolda sizni penalti tepishingizni ilk bor ko'rdim…

-Uchrashuvdan oldin murabbiylarimiz kim penalti tepishga ishonchi bo'lsa shu tepsin deyishgandi. O'sha vaziyatda jamoamiz sardori Vladimir Bubanya meni oldimga kelib, «SHer o'zingga ishonyapsanmi», dedi va men ha albatta, deya to'pni oldim, gol urdim.

-SHuningdek, «Andijon» tarkibidagi ilk golingizni urdingiz. Hissiyotlar qanday?

-Albatta, xursandman. Gollar futbolchini o'ziga bo'lgan ishonchini orttiradi.

-0:3 dan keyin o'yin yakuniga qadar hisob 2:3 ga o'zgardi. Uchrashuv oxirida sizda xadik sezildimi? Nima uchun bunday bo'ldi?

-Oxirgi 15 daqiqa o'yinni raqibga berib qo'ydik. Juda ham bo'sh o'ynadik. Bunga sabab 3 ta gol bilan oldinga o'tib ketganimiz deb o'ylayman. Nima bo'lganda ham g'alaba qozondik. Endi bunday xatolarga yo'l qo'ymaymiz. Jamoam bilan faxrlanaman, hamma maydonga bor kuchini tashladi.

-«Andijon» dastlabki uchta turda 2 g'alaba va 1 durang qayd etdi. Bu qoniqarlimi? Fikringiz qanday, start bo'yicha?

-Menimcha, yomon emas. Biz onlayn turnir jadvalida 2-o'rindamiz va bu bilan to'xtab qolmoqchi emasmiz.

-Keyingi turda «Nasaf»ni qabul qilamiz. Kuchli raqibga qarshi o'yindan nima kutyapsiz va qanday qilib yutsa bo'ladi, deb o'ylaysiz?

-Albatta, murabbiylarmiz tomonidan beriladigan vazifani bajarishga harakat qilamiz. O'z uyimizda muxlislarimizni xursand qilish uchun qo'limizdan kelgan barcha ishni qilamiz va ishqibozlarimizni yana quvontiramiz, Xudo xohlasa.

«Andijon» matbuot xizmati.

Reyting: +8   

Fikrlar

championat.asia
< so’nggi yangiliklarni ko’rish
Яндекс.Метрика