SHavkat Saidov: “Hisob o'yinga mos bo'ldi”

- Bugungi uchrashuv juda qiyin o'tishini avvaldan bilardik, - deya so'z boshladi SHavkat Nematovich. - Navoiyga jamoamiz tarkibda jiddiy yo'qotishlar bilan tashrif buyurdi. Turli sabablarga ko'ra, asosiy tarkib o'yinchilaridan besh nafari  “Qizilqum”ga qarshi maydonga tusha olmasdi. SHunga qaramay, yigitlar bugun shijoat bilan to'p surishdi. Qolaversa, oxirgi uchrashuvlardagi omadsizlikdan so'ng, safardan ochko bilan uyga qaytish juda yoqimli.

- Butun o'yin davomida har ikki jamoada ham golga tortadigan ko'plab vaziyatlar yuzaga keldi. Aksariyat vaziyatlarda darvozabonimiz jamoamiz joniga oro kirgan bo'lsa, ayrim holatlarda himoyachilarimiz ham o'z o'rnilarida bexato harakat qilishdi. Yigitlarimiz xatti-harakatidan qoniqdim.

- Uchrashuv oldidan himoyachilarimizni ehtiyotkorona harakat qilishlarini tayinlagandim. CHunki “Qizilqum” tarkibida chempionat to'purari Bahriddin Vahobov istalgan vaqtda raqibni qiyin vaziyatga solib qo'yishi mumkin edi. Himoyachilarimiz ko'rsatmalarimizni to'liq amalga oshirib, Bahriddinning o'zi istaganidek erkin harakat qilishiga yo'l qo'yishmadi. Bir so'z bilan aytganda, bugungi hisob o'yinga mos bo'ldi.