SHamil Yarulin: "SHo'rtan"ning maqsadi Superligaga chiqish. Qarzdorlikni tezlik bilan hal etishimiz zarur"

O'z navbatida ular qatorida bir nechta PRO-Liga vakillari borligini ham takidlab o'tishimiz mumkin. Mamlakatimiz futbolida o'z o'rni va mavqeiga ega bo'lgan “SHo'rtan” jamoasi atrofida yuz berayotgan yangiliklar, nafaqat G'uzorliklarni, balki yurtimizdagi ko'p ming sonli futbolsevarlarni ham befarq qoldirmasligi tabiiy. SHu munosabat bilan biz kuni kecha “Oq bo'rilar” jamoasining rahbariyatida ish boshlagan SH.Yarulin bilan ushbu mavzu bo'yicha muxtasar suhbatlashdik:

- SHamil Samigulovich, avvalo “SHo'rtan” jamoasida faoliyat boshlaganingiz bilan tabriklaymiz. Futbol olamida katta va boy tajribaga ega ekanligingizni bilgan holda, G'uzor futbolini yanada rivojlantirish yo'lidagi say-harakatlaringizga omad tilaymiz.
- Rahmat. O'z navbatida biz ham “SHo'rtan” jamoasining mavqeini, obro'-etiborini tiklash, yana ham aniqrog'i Superligaga qaytarish borasida astoydil mehnat qilishni eng birinchi galdagi maqsadimiz, deb belgilab qo'yganmiz.

- Aytingchi, klubda qaysi vazifada ish boshladingiz?
- Bosh menejer lavozimida faoliyat olib borayapman.

- Birinchi galda qilinadigan ishlar rejasiga nimalarni kiritdingiz?
- Bu eng avvalo klub ishchi-xodimlari, murabbiylar va futbolchilar oldidagi maosh qarzdorligi bilan bog'liq masala.

- Qarzdorlik muammosi qachon bartaraf etilishi kutilmoqda?
- Tezlik bilan hal etishimiz zarur. Negaki, O'zbekiston Professional futbol Ligasining talablariga ko'ra, klublarda qarzdorlik masalasi hal etilmasa yangi mavsumda musobaqada ishtirok etishga qo'yilmaydi.

- PRO-Liga jamoalarining ko'pchiligi yangi mavsum tayyorgarligini allaqachon boshlab yuborishgan. Bu borada “SHo'rtan”da qanday yangiliklar bor?
- SHu kunlarda yig'in boshlashni rejalashtirib turibmiz. Yuqorida aytganimdek, qarzdorlik masalasini ijobiy hal etsak, hammasi o'z yo'liga tushib ketadi.

- Yangi mavsumga jamoani bosh murabbiy sifatida kim tayyorlaydi?
- Ushbu masuliyatli lavozimga biz mamlakatimizning taniqli mutaxassislaridan biri, o'tgan mavsum yakunlariga ko'ra “Mashal”ni Superligaga olib chiqqan, qolaversa o'z vaqtida “SHo'rtan”da ham futbolchi, ham murabbiy vazifasida ishlagan Asror Aliqulovni taklif qildik.

- Demak, muxlislarga uni “SHo'rtan” bosh murabbiyi, deb elon qilsak bo'ladi, shundaymi?
- Ha. 2020 yilgi futbol mavsumida “SHo'rtan” bosh murabbiyi lavozimida Aliqulov faoliyat ko'rsatadi.

- U bilan shartnoma qancha vaqtga tuzildi, yordamchilari kimlar bo'ladi?
- Bu haqda bosh murabbiyning o'zi gapirgani maqul, deb o'ylayman.

- Fikrlaringizdan malum bo'lishicha, jamoa oldiga bu yilgi mavsumda PRO-Liga o'yinlarida eng yuqori o'rinlarni egallash vazifasi qo'yiladi?
- Bu yilgi eng asosiy maqsadimiz “SHo'rtan”ni Superligaga olib chiqish.

- Bir necha yillardan buyon “SHo'rtan-Ledi” ayollar jamoasi ham musobaqalarda ishtirok etib kelmoqda. Jamoaning bundan keyingi taqdiri nima bo'ladi?
- Qizlarimiz O'zbekiston Professional futbol Ligasi bayrog'i ostida o'tkaziladigan barcha musobaqalarda o'z ishtirokini davom ettirishadi. Faqat bu yildan etiboran jamoa birinchi ligada qatnashadi.