SHahzodbek G'ofurbekov: "Jasur Abduraimovga katta rahmat aytaman"

- Avvalombor hamma yurtdoshlarimizni Ramazon hayiti bilan tabriklayman. O'yinga keladigan bo'lsak "Lokomotiv"ga qarshi o'yin juda qiyin bo'ldi. Jamoamizga g'alaba juda zarur edi va biz yakunda g'alaba qozona oldik.

- Jasur Abduraimov jamoaga kelgandan so'ng Sizga va siz qatori boshqa yosh futbolchilarga imkoniyat bermoqda. SHu xaqida aytib o'tsangiz?
- Menga ishonch bildirib maydonga tushirayotganligi uchun murabbiyimiz Jasur aka Abduraimovga katta rahmat aytaman. Hamma murabbiylar ham asosiy natijani o'ylab yosh futbolchilarni maydonga tushuravermaydi. Buning uchun ulardan minnatdorman.

- “Lokomotiv” darvozasiga urgan gollaringizni kimga bag'ishlagan bo'lardingiz?
- To'g'risi o'yindan oldin “Lokomotiv” darvozasiga ikkita gol uraman deb o'ylamagan edim. Bu gollarimni meni duo qilib turgan ota-onamga bag'ishlayman.