SHahzod SHaymanov: "Nasaf"ga qarshi o'ynay olmayman"

Ushbu turda Muborakning "Mashal" klubi o'z uyida Olmaliqning "Olmaliq" jamoasiga qarshi bahs olib bordi va tomonlar nursiz durang qayd etishdi. Ushbu uchrashuvdan so'ng "Mashal" klubi futbolchisi SHahzod SHaymanov o'z fikrlari bilan o'rtoqlashdi. "Olmaliq" jamoasiga qarshi uchrashuvning birinchi bo'limida ob-havo biroz issiq bo'lgani uchun maydonda biroz qiynalib harakat qildik. 

Ikkinchi bo'limda o'zimizga kelib oldik va bir qator hujumlarni amalga oshirdik. SHu kuni "Olmaliq" jamoasi himoyada tartibli o'yin ko'rsatdi. Qaysidir vaziyatda raqib jamoa himoyachilari va darvozaboni yaxshi o'yin ko'rsatgan bo'lsa qaysidir vaziyatda yaratilgan vaziyatlardan o'zimiz unumli foydalana ololmadik. Endi keyingi turda "Nasaf" jamoasiga qarshi bahs olib boramiz. "Ajdarlar" ancha yaxshi shakillangan jamoa, ularga qarshi bizni qiyin uchrashuv kutib turibdi. Menda sariq kartochkalarim soni 4taga etganligi sababli "ajdarlar"ga qarshi o'yinni o'tkazib yuboraman", - deydi "Mashal" klubi futbolchisi SHahzod SHaymanov.

Jahongir Sotvoldiev suhbatlashdi