SHahriddin Ishnazarov: “Qizilqum”ning g'alabasiga ishonamiz”

Ushbu o'yinni “Qizilqum” PFK Muxlislar klubining yuz nafardan ziyod azosi “Jar” stadionida kuzatib borishga va o'z suyuklilarini qo'llab-quvvatlashga qaror qilishgan.

- Sevimli jamoamiz bu yilgi mavsumni o'zgacha ko'tarinki kayfiyatda boshladilar, - deydi “Qizilqum” PFK Muxlislar klubi rahbari SHahriddin Ishnazarov. - SHu bois, ularni xoh Navoiyda, xoh safar uchrashuvlarida bo'lsin doimo qo'llab-quvvatlashga tayyormiz. Futbolchilarimiznining chiroyli va hujumkor o'yin namoyish etishlari uchun viloyat hokimligi hamda xomiylar barcha shart-sharoitlarni yaratib berishmoqda. Ayni paytda bizning olqish va qo'llab-quvvatlashimiz jamoa uchun suv hamda havodek zarur.

“Obod” jamoasi oliy liga debyutanti bo'lsa-da, raqiblariga qarshi qanday munosib qarshilik ko'rsatayotganligini barchamiz ko'rib, bilib turibmiz. SHunga qaramay, bugun “Qizilqum”ning g'alabasiga ishonamiz. Bizning “Jar” stadioniga tashrif buyurishimiz jamoamiz g'alabasi uchun xizmat qiladi, degan umiddamiz.
O'z navbatida hozirda Toshkentda faoliyat ko'rsatayotgan va talim olayotgan navoiylik muxlislarni o'z safimizga chorlaymiz va “Qizilqum” jamoasini qo'llab-quvvatlashga chorlaymiz.

“Qizilqum” PFK Matbuot xizmati.