SHohboz Umarov: "BATE meni anchadan beri qo'lga kiritish istagida yurgan ekan"

"Energetik-BGU" safida o'ynayotgan o'zbekistonlik futbolchi SHohboz Umarov faoliyatini BATEda davom ettiradi.

Mazkur transfer yuzasidan SHohboz Umarov bilan bog'lanib qisqa intervyu tashkil qildik.

- Dastlab BATE bilan transfer hususida fikringizni bildirib o'tsangiz. Kelishuv qanday amalga oshdi?

- Mashg'ulotlardan keyin murabbiy meni oldiga chaqirdi. BATE anchadan beri jiddiy qiziqish bildirayotganini aytdi. Muzokaralar bo'layotganidan xabarim yo'q edi. CHunki, bu borada murabbiylar menga indashmagandi. Keyinchalik jamoa prezidenti bilan uchrashdim va BATEga o'tishga qaror qildim. Ko'pchilik yaqinda ushbu jamoa darvozasiga urgan golimdan keyin taklif qildi deb o'ylamoqda. Aslida ular meni anchadan beri kuzatishayotgan, transfer qilishmoqchi bo'lgan ekan. Lekin, ikki klub kelisha olmagani sababmi yoki boshqami bu jamoaga o'tishim kechikdi. 

- BATE bilan Evropa ligasida o'ynashingiz mumkin. Bunga tayyormisiz?

- Buni vaqt ko'rsatadi. Mashg'ulotlar orqali hamma narsaga erishish mumkin. 

- Jasur Yaxshiboevni boshqa jamoaga o'tganini "Energetik-BGU" futbolchilari qanday qabul qildi?                           

-To'g'ri, Yaxshiboevsiz jamoaga juda ham qiyin bo'ladi. Lekin, bu jamoada bir futbolchi ketsa murabbiy o'shani o'rnini tezda to'ldiradi va barchaga birdek ishonadi. 

- Nima deb o'ylaysiz o'zbekistonlik futbolchilarni darajasi belaruslik futbolchilarnikidan yuqorimi? CHunki, siz va Jasur Yaxshiboev misolida bunga guvoh bo'ldik...

- Yaxshi savol berdiz. Ko'pchilik Belarus chempionatini kuchsiz deya tariflamoqda. SHahboz Umarov va Jasur Yaxshiboevni iqtidorini O'zbekistonda ko'rmadik degan gaplarni ham aytishyapti. Ijtimoiy tarmoqlarda Belarus chempionatidan O'zbekiston quyi ligasi kuchli  qabilidagi fikrlarni ham o'qidim. Aslida hamma chempionatni o'ziga yarasha kuchli tomonlari bor. Masalan man o'zim haqimda fikr bildiraman. Jasur haqida biron narsa deya olmayman.

Menga O'zbekistonda o'yin amaliyoti berishgani yo'q. 1-2ta o'yinlarda zaxiradan maydonga tushdim. O'zimni ko'rsatishim uchun o'yin amaliyoti etarli bo'lmadi. Vaqt kamlik qildi. Bu erda esa 17ta uchrashuvda ishtirok etishga ulgurdim. O'yin amaliyoti berildi. Qaysidir tomonlama o'zimni ko'rsatdim. O'zbekistonda o'rinbosarlar jamoasida to'p tepdim. O'yinlarimni ko'rganlar nimalarga qodir ekanligimni juda yaxshi biladi. Belarus chempionatida ham imkoniyatlarimni to'liq ko'rsata olganimcha yo'q. Ishonamanki, muxlislarga qanday hislatlarga ega ekanligimni isbotlayman. 

Abdulaziz Iskandarov suhbatlashdi