"SHabab Al Ahli" ustozi: "G'alabadan boshqa variantimiz qolmadi"

"Bizda g'alabadan boshqa variant yo'q. O'tgan o'yinda biz ustunligimizni hisobda aks ettira olmadik. Yuzaga kelgan 5 imkoniyatdan foydalana olmaslik pand berdi. Raqib esa o'yin yakuniga yaqin vaziyatlarini golga aylantirib, g'alaba qozonib ketdi. Biz asosiy tarkibdagi 5 nafar futbolchi xizmatidan foydalana olmadik va o'yinda raqibga bazi kichik detallarda yutqazdik. Ertangi uchrashuvda ushbu kamchiliklar bartaraf etiladi. Biz o'z o'yinimizni ko'rsatsak g'alabani taminlaymiz. Buyog'iga endi har bir o'yin jamoamiz uchun finalga teng. G'alaba bizning imkoniyatlarimizni oshiradi va hali hech narsa boy berilgani yo'q. Barcha etibor va diqqatimizni AGMK bilan bo'ladigan bahsga qaratganmiz. Igor toliqqani bois o'tgan o'yin zaxiradan maydonga tushirdik. CHunki u jamoamizga o'z ligasida to'liq o'ynab kelgandi va bizda ham dam olishsiz zich taqvimda o'ynadi. SHu bois uning jismoniy holatini yaxshilab olishi uchun imkoniyat berdik", deydi 56 yoshli mutaxassis.

Futbolchi Abdulla Naqbi: "Bizda mag'lubiyatga joy qolmagan. Ertangi revansh o'yiniga barcha tayyor. SHunchaki bizga jarohatlar pand berdi. Endi jamoamiz qolgan barcha o'yinda jang qiladi va faqat g'alaba ilinjida maydonga tushadi. Biz o'z darajamizni ko'rsatamiz va g'alabaga intilamiz. Buyog'iga muxlislarimizni baxtli qilish uchun kurashamiz".