Serxio Ramos: “Real” Ronaldusiz ham g'alaba qozona oladi”

Futbolchi ushbu bayonotini UEFA Superkubogida “Atletiko”ga qarshi kechadigan bahs oldidan aytib o'tdi.

“Albatta jamoadan Ronaldu singari top futbolchi ketar ekan, bu yomon. Ammo “Real”ning maqsadi o'zgarmaydi. G'alabaga erishish niyatidamiz va bu ishni usiz amalga oshiramiz. SHuncha yillar davomida “Real”da ko'plab yulduz futbolchilar to'p tepishdi. Ammo jamoa har qanday futbolchidan yuqori darajada turadi. Qanday holat ro'y berishidan qatiy nazar “Real” doimo g'alaba uchun kurash olib boradi.

“Real” eshiklari barcha buyuk futbolchilar uchun doim ochiq. Biz har doim futbolchilar jamoada o'zlarini uydagidek his etishlarini istaymiz. Ular jamoada yanada o'sishga erishishlarini xohlaymiz. 

Kurtuaning safimizga kelib qo'shilishi darvozabonlar orasida raqobatni oshirdi. Uning ilgari “Atletiko”da to'p tepgani hech qanday ahamiyatga ega emas”, - deydi Ramos.