Sergey Kucherenko: "Nasaf" har qanday finalni va xalqaro uchrashuvni qabul qilishga tayyor"

Ular orasida Qarshining "Nasaf" klubi yo'qligi ko'pchilikni ajablantirdi. SHu masalada klub bosh menejeri Sergey Kucherenkoga qo'ng'iroq qildik.

- PFL 2021 yilgi mamlakat kubogi finalini qabul qilishni istagan klublar ro'yxatini elon qildi. Ular orasida "Nasaf" yo'q. Bunga qanday munosabat bildirasiz?
- Bilasizmi "Nasaf" har qanday finalni va xalqaro uchrashuvni qabul qilishga doim tayyor. Bizning infratuzilmamizdan barchangiz xabardorsiz. Bir necha yillar davomida ushbu stadionda Osiyo chempionlar ligasi o'yinlari o'tkazib kelingan.

- Unday holda nega ro'yxatda "Nasaf" yo'q?
- Texnik direktorimiz ayni paytda Toshkentda va u PFL vakillari bilan bu borada og'zaki gaplashgan. Biroq PFL rasmiy xat so'ragan. Xat texnik direktorimizga etib bordi va bugun PFLga etkazadi.

- Biroq ariza qabul qilish 14 mart kuni tugagan ekan...
- Umid qilamanki PFL bizga imkoniyat beradi.

Narzulla suhbatlashdi

2021 yilgi O'zbekiston Kubogi finalini qabul qilish uchun 5ta klub ariza yubordi