Sergey Arslanov: "Biz Nimelini yozdayoq berib yuborish haqida o'ylamayapmiz"

Sergey Arslanov: "Ikki xil taym guvohi bo'ldik. Birinchi bo'limda chetlatishlar guvohi bo'ldik, ikkinchi bo'limda esa vaziyatga qarab harakat qildik. Yigitlarga rahmat aytmoqchiman, ular maydonda borini berishdi. O'yinni raqib maydoniga ko'chirishga harakat qildik, bu qiyin bo'ldi, ammo bir nechta qarshi hujumlar tashkil qila oldik. 

- Muxlislar uchun o'yin zerikarlidek ko'rindi, siz bahs darajasiga qanday baho berasiz?

- Namangandagi so'nggi uchrashuvimiz va bugungi to'qnashuvni solishtiradigan bo'lsak, ha, "Metallurg"ga qarshi uchrashuvda boshqa tezlik namoyish etildi. Ikkala jamoa ham ochko olishga harakat qildi. Gol haqida to'xtaladigan bo'lsak, gol bu bir jamoaning omadli yoki omadsiz harakatlari ketma-ketligi samarasi hisoblanadi.

- Bu yil legioner hujumchilar o'zini yaxshi ko'rsata olmoqda. Klublarimiz nihoyat selekciyada yaxshi ishlashmoqdami?

- Menimcha, klublarda legioner tanlashda imkoniyat oshdi va ular tanlab-tanlab futbolchi olishmoqda. Bundan faqat yutamiz. Biz, klublar, muxlislar.

- Nimeli yaxshi o'yin ko'rsatmoqda. Yozda uni ilib ketishlaridan qo'rqmaysizmi?

- Namangada ham shunga o'xshash savollar berishgandi. Biz yosh futbolchilarni etishtirib berish uchun ishlayapmiz. "Surxon" bundan xursand bo'ladi.

- Jamoaning hujumi Nimeliga bog'liq bo'lib qoldi deb o'ylamaysizmi? Uning ketishi o'yin sifatiga tasir qilishi mumkinmi?

- Biz Nimelini yozdayoq berib yuborish haqida o'ylamayapmiz. Futbol - jamoaviy o'yin. Almashtirib bo'lmas o'yinchilar yo'q, biroq Nimeli ketishini ko'rib chiqmayapmiz.