Sergey Lushan: "Jamoamni taniy olmayapman"
13 apr 2015 18:04
Yangiliklar

Sergey Lushan: "Jamoamni taniy olmayapman"

"Lokomotiv" - "Bunyodkor" uchrashuvidan so'ng tashkil etilgan matbuot anjumanida Sergey Lushan qatnashdi.

"0:3 hisobidagi mag'lubiyatdan so'ng qanday taassurotlar bo'lishi mumkin? Yutqazdik. Birinchi bo'limda biz o'yinni butkul boy berdik. Gol o'tkazgach jamoam o'ynamay qo'ymoqda. Jamoaga nima bo'layotganini tushuna olmayapman", - deydi Sergey Lushan.

- SHomurodovning qizil kartochkasiga munosabatingiz qanday?

- Qoida bor, futbolchi ikki marta sariq kartochka olsa chetlatiladi. Yoshlarda istak bor, ammo aql kamroq.

- Jamoa OCHLda, oliy ligada gol ura olmayapti...

- Agar bunga nima sabab bo'layotganini bilganimda edi...Ikki uch o'yinda jamoamni tanimayapman. Terma jamoaga ketgan futbolchilar klubga qaytgach o'yini chiqmayapti.

- Vohid SHodiev bugun maydonga tushmadi...

- O'tgan o'yinda qizil kartochka olgandi. SHu bois tushmadi.

- "Bunyodkor" muxlislari o'yin davomida turli hayqiriqlarni baqirishdi...

- Bunga oddiy munosabatdaman. Muxlislar hayqirishlari uchun ham kerak. Ammo jamoada ishlayotganimdan to'la qoniqayapman.

- Yangi Zelandiyadagi mundialga yana bir qator futbolchilar ketishadi. Muammoni qanday bartaraf etmoqchisiz?

- To'g'ri ular Jahon chempionatiga jo'nab ketishadi. Ular ketishsa yoshlar jamoamiz azolari bilan o'ynaymiz, hayot davom etadi.

- Jamoada moliyaviy muammo yo'qmi?

- Yo'q hech qanday muammo yo'q. Agar bo'lganida futbolchilar bu haqda menga aytgan bo'lishardi.

Narzulla Saydullaev

Havola :

Manba : championat.asia

Yangiliklarni Telegramda o'qing!