Sergey Lushan: "O'z tarbiyalanuvchilarimiz evaziga klubni shakllantirmoqchimiz"

Unga Xayrulla Karimov hamrohlik qildi.

"Yaxshi o'yin kutayapmiz. Raqibga esa ochko zarur. Bizning maqsadimiz boshqa. Biz sifatli va chiroyli o'yin ko'rsatmoqchimiz", - deydi Lushan.

"Ertaga muxlislar uchun chiroyli o'yin namoyish etishga harakat qilamiz. G'alaba uchun qo'limizdan kelganini qilamiz", - deb gap boshladi Karimov.

- Raqib ustozi hujumda o'ynashlarini aytib o'tdi. Bu sizlarga qarshi hujumlarda imkoniyat beradi.
- Raqib qanday o'ynasa o'ynayversin. Biz o'z o'yinimizni ko'rsatamiz. Futbolchilarimiz o'z muxlislarimiz qarshisida o'ynashadi, demak maqsad faqat g'alaba.

- Jamoa guruh bosqichidan chiqib ketdi. Ertaga barcha futbolchilar tayyormi?
- Endi vatanimiz shani uchun harakat qilamiz. Barcha futbolchilar tayyor bo'lishadi deb o'ylayman.

- "Bunyodkor"ning maqsadi qanday?
- Bizning asosiy maqsadimiz o'z tarbiyalanuvchilarimiz evaziga oliy liga, kubok va Osiyo chempionlar ligasida ishtirok etish. Yulduz futbolchilarni sotib olib emas o'z tarbiyalanuvchilarimiz evaziga klubni shakllantiramiz.

- Arab klublariga qarshi o'yinlarda eng qiyini qaysi?
Xayrulla Karimov: - Agar o'z o'yinimizni ko'rsatsak g'alaba qozonsak bo'ladi. To'g'ri balki safarda ularga qarshi o'ynash og'irroqdir. Lekin ertaga biz o'z uyimizda teng sharoitda o'ynaymiz. Arablarga tezkor o'yin yoqmaydi.

Narzulla Saydullaev