Sergey Lushan: "Bugun jamoamizga omad ham kulib boqdi"

"Bugun o'yimiz o'xshadi. Stadionga yig'ilgan muxlislar rosmanasiga qiziqarli o'yinni ko'rishdi. Tabiiyki men natijadan qoniqdim. Hozir bir narsa deyishim qiyin, hayajondaman. Bugun jamoamizga omad ham kulib boqdi", deydi Sergey Lushan.

Dilshod Jo'raev bugun zaxirada ham ko'rinmagani sababi nimada?
O'yinga kim tayyor bo'lsa o'sha tushadi, shu xolos.

Asosiy tarkibni tanlashda tavakalchilik qilmadingizmi?
Yana bir bor shuni takidlab o'tardimki, men uchun nomlar emas, mashg'ulotdagi ish muhim. Bugun eng kuchlilar maydonga tushdilar.

Pishur bilan SHodiev ham o'yinni kuchaytira olishi mumkinmi?
Albatta, ular ham o'yinni istagan paytida tushib o'yinnni kuchaytirishlari mumkin.

Hakamlarga nima deysiz?
Ularni tekshiradigan qo'mita bor. So'nggi daqiqalarda bizga omad kelganini ham unutmasligimiz bor.

Bugungi g'alabadan keyin chempionlik poygasiga qo'shildik deya olasizmi?
Har bir o'yinga g'alaba uchun maydonga chiqamiz. Hozir jamoada avlodlar almashinuvi, bu tarkib keyingi yil ham qolishi va yaxshi natijalarga erishishiga ishonaman.

Bugungi o'yin "Bunyodkor"ning hozirgi holatidan kelib chiqib jamoa uchun olg'a qadam tashlashiga sabab bo'ladi deya olasizmi?
Bu haftada jamoani ruhan tayyorlash o'ta muhim edi. Bizga berilayotgan etibordan kelib chiqib, g'alaba qozonishimiz shart edi. Bugun futbolchilarimizda ishtiyoq juda yuqori bo'ldi.