Sebalos "Real"dan ketish haqida o'ylamoqda. Nega?

Karlo Anchelotti yarim himoyachiga ishonch bildiradi, ammo Sebalosning o'zi "Real"da asosiy tarkib o'yinchisi bo'lmasligini tushunmoqda. Dani shu sabab klubdan ketishni o'ylamoqda.

Ispan o'tgan yozda "Real" bilan shartnomasini 2027 yilga uzaytirgan payti jamoada muhimroq rol olishi va ko'proq o'ynashini taxmin qilgandi. O'shanda Sebalosda boshqa klublar, jumladan "Atletiko" va "Inter"da chorlovlar bo'lgandi. Ularga qaramay, futbolchi "Real"da qolgan, sababi o'zini jamoada baxtli his qilgandi.

Sebalos joriy mavsum "Real" tarkibida barcha musobaqalarda 21ta o'yinda 503 daqiqa harakat qildi.