Saytimiz xodimi bugun "Inter Sport" bilan Latviyaga yo'l olmoqda
22 sen 2018 17:52
Yangiliklar

Saytimiz xodimi bugun "Inter Sport" bilan Latviyaga yo'l olmoqda

Saytimiz orqali yoz oylarida "Inter Sport" sport loyihasining Latviyada ko'rikdan o'tkazish uchun futbolchilar o'rtasida tanlov yo'lga qo'ygani haqida xabar bergandik.

Oradan ko'p o'tmay ko'pchilik futbolchilar o'zlarini sinab ko'rish maqsadida tanlovda ishtirok etish xohishini bildirishdi. Tarkib yig'ilgach bir necha kun davomida mashg'ulotlar olib borildi. Bugun kechasi "Inter Sport"ning Latviyada ko'rikdan o'tish niyatida bo'lgan 21 nafar futbolchidan iborat tarkibi xorij safariga yo'l oladi.

"Inter Sport" bilan birgalikda saytimiz xodimi Xayrulla Xoliqov ham Latviya sari parvoz qiladi. Futbolchilar u erda bir hafta bo'lib, bu orada to'rtta o'rtoqlik uchrashuvi o'tkazishadi. Saytimiz vakili esa voqea joyidan o'yinlar va boshqa yangiliklarni yoritib borishga harakat qiladi.

"Biz Latviyaning Liepaya shahriga boramiz, - deydi X.Xoliqov. - U erga "Inter Sport" bilan borishdan maqsad, birinchi navbatda ushbu jamoaning o'yinlarini yoritish, shuningdek Latviyadagi futbolni o'rganish. Liepaya shahrining shu nom bilan ataluvchi futbol klubi Latviya oliy ligasida ishtirok etadi. Yaqin o'tishning mashhur hujumchisi Maris Verpakovskis hozirda klub prezidenti sifatida faoliyat yuritmoqda. Agar imkon bo'lib qolsa, u bilan kattaroq suhbat qilish niyatim bor. Safar davomida Latviyada umuman futbolga bo'lgan etibor, chempionat o'yinlari qanday o'tishi, bolalar futboli qay darajada yo'lga qo'yilganini o'rganib, muxlislarga etkazib turishga harakat qilaman. Bundan tashqari eng katta niyatlarimdan biri Yurmalaning "Spartak" klubida faoliyat olib borayotgan O'zbekiston milliy terma jamoasi sobiq bosh murabbiyi Samvel Babayan bilan intervyu tashkil qilish. Agar Samvel Vyacheslavovich intervyu berishga rozi bo'lsa bundan nihoyatda xursand bo'lardim".

Aytib o'tganimizdek, bugun tunda "Inter Sport" 21 nafar futbolchi bilan Latviyaga parvoz qiladi. Quyida futbolchilar ro'yxatini keltirib o'tamiz.

Darvozabonlar: Ubaydulla Inoyatillaev (08.10.1996), Akrom Xo'jaev (10.01.1998), Sardor Tohirov (19.05.1997).

Himoyachilar: Behzod Abdullaev (10.05.1998), Saydullo Toshpo'latov (17.09.1998), Suhrob Nashvanqulov (10.05.2001), Javlonbek Nematov (24.08.1998), Abdurahim Hamzaev (06.04.1996), Amirxon Ibrohimov (14.01.1996), Ikrom Ko'chimov (05.11.1998), Muhammad Mahmudov (04.01.1999), Zahriddin Abduvaliev (31.12.1998).

Yarim himoyachilar: Asadbek Ro'zimatov (12.01.2001), Eldor Kabirov (10.02.2000), G'iyosiddin Sobirov (09.08.2000), Sardor Fozilov (25.06.2000), Sarvar Abdullaev (21.04.1996), Xayrullo Jakbarov (06.01.1994).

Hujumchilar: Bekzod Ro'zmatov (01.06.1995), Azizbek Ro'ziqulov (17.04.2000), Husan Rasulov (27.03.1998).