Saudiya Arabistoni terma jamoasi bosh murabbiyi istefoga chiqarildi

Ispaniyalik mutaxassis 2013 yilning dekabridan jamoa bilan ishlashni boshlagan edi, ammo u arablar bilan yaqinda bo'lib o'tgan Fors Ko'rfazi Kubogida g'alaba qozona olmay o'z muxlislarini ranjitdi. Saudiya Arabistoni mamlakati mezbonlik qilgan bu turnirda Lopes Karo shogirdlari finalda Qatarga 1:2 hisobida imkoniyatni boy berdi.

Mamlakat futbol federaciyasi vakillari yangi bosh murabbiyning nomini bir hafta ichida malum qiladi.

Eslatib o'tamiz, Saudiya Arabistoni terma jamoasi 2015 yilning yanvar oyida bo'lib o'tadigan Osiyo Kubogida ishtirok etadi va ularga guruhda O'zbekiston, Xitoy va KXDR terma jamoalari qarshilik qiladi.