Sarvar Karimov: “So'g'diyona”da qolishni xohlayman”
23 jan 2017 18:48
Yangiliklar
![](https://championat.asia/upload/storage/236913_original.jpg)
![](/upload/storage/236913_220.jpg)
Sarvar Karimov: “So'g'diyona”da qolishni xohlayman”
Uchrashuvdan so'ng “So'g'diyona” klubida ko'rikdan o'tayotgan darvozabon Sarvar Karimov tayyorgarlik to'g'risida o'z fikrlarini bildirdi.
“Bugun “Qo'qon-1912” jamoasiga qarshi yangi mavsumga tayyorgarlikdagi navbatdagi nazorat uchrashuvimizni o'tkazdik. Kuniga ikki mahaldan mashg'ulot o'tkazyapmiz. Ertalab jismoniy mashqlar bo'lsa kechgi payt to'plar bilan ishlayapmiz.
“Qo'qon-1912” jamoasiga qarshi o'yinda g'alabaga erishgan bo'lsakda bir qator xatolarga yo'l qo'ydik. Mana shu xatolar ustida ishlashda davom etamiz. “So'g'diyona” klubi bilan hozircha shartnoma imzolaganim yo'q. Ayni damda “Lokomotiv” klubiga qarashli futbolchiman. Taqdirimni ikki jamoa raxbarlari o'zaro kelishib hal qilishadi. O'zimga qolsa “So'g'diyona”da qolishni istardim. Ushbu jamoada barcha shart-sharoitlar yaxshi.
“So'g'diyona” klubida mashg'ulotlarda ishtirok etayotganimni barcha biladi. “Lokomotiv” rahbarlari bu erda qolishimga qarshilik qilmasa kerak. “So'g'diyona” bosh murabbiyi Davron aka Fayziev va darvozabonlar murabbiyi SHavkat aka Abduxo'jaev bilan gaplashganimda kelaver imkon beramiz deyishgandi.
“So'g'diyona” darvozaboni Muzaffar Abdullaev bilan ancha yaxshi chiqishib ketdim. Jamoaning asosiy tarkibidan joy olish uchun astoydil harakat qilaman. Muzaffar Abdullaev ham do'st, ham aka sifatida yaxshi inson ekan. Darvozabonlar murabbiyi SHavkat aka Abduxo'jaev bilan yana birga ishlayotganimdan xursandman. Bu insonni menga juda ham katta mehnati singan”, - deydi Sarvar Karimov.
O’xshash yangiliklar
![AMP Logo](https://championat.asia/image/logo-amp.png)
Fikrlar