Sarvar Jo'raev: “Yana “Olmaliq”qa qaytishim ham mumkin”
24 noy 2015 20:50
Yangiliklar
![](https://championat.asia/upload/storage/189664_original.jpg)
![](/upload/storage/189664_220.jpg)
Sarvar Jo'raev: “Yana “Olmaliq”qa qaytishim ham mumkin”
Aytish kerakki, g'uzorliklar safida Jo'raev “yo'qolib” qolgani yo'q. Aksincha uning o'zi istaganichalik o'yin amaliyotiga ega bo'ldi. Futbolchining o'zi bilan suhbatlashganimizda ham bu haqda aytib o'tdi.
- Bilsangiz kerak mavsumni “Olmaliq”da boshlagandim. Ammo u erda zaxirada o'tirib qoldim. Ayni o'ynaydigan yoshda bo'la turib, vaqtim kelishini kutish yoqmadi. SHu bois yozda muhitn o'zgartirishga qaror qildim. Bu paytga kelib “SHo'rtan”dan chorlov bo'ldi. Ikkilanib o'tirmasdan g'uzorliklar lageriga borib qo'shildim – deya gap boshladi Sarvar Jo'raev.
- O'ylamanki “SHo'rtan”ga o'tib xato qilmadim. Aksincha u erda etarlicha o'yin amaliyotiga ega bo'ldim. Men uchun eng muhimi ham shu edi. Jamoa meni juda yaxshi qabul qildi va yangi muhitga moslashib ketishim ham qiyin kechmadi.
- Qanday o'yin ko'rsatganim borasida esa hozir sizga aytishim qiyin. O'zimga o'zim baho bera olmayman. Yaxshisi bu haqda murabbiylardan so'raganingiz maqul.
- Mavsum yakuniga etganiga ham ko'p vaqt bo'lmadi. Hozir hamma qatori men ham oilam davrasida dam olyapman. Keyingi taqdirimni qaysi jamoa bilan bog'lash to'g'risida o'ylab ko'rganim yo'q. Qolaversa “Olmaliq” bilan amaldagi shartnomam ham bor va u yil oxirida o'z kuchini yo'qotadi. Agarda Igor SHkvirin yana jamoasiga chaqirsa boraman. Aks xolda o'zimga boshqa variant qidiraman.
- “SHo'rtan” rahbariyati yoki murabbiylari bilan hozircha bo'lajak rejalar haqida suhbatlashmadik. Extimol yaqin orada bu narsa amalga oshar – deydi Sarvar Jo'raev.
Islombek Rustambekov suhbatlashdi.
O’xshash yangiliklar
![AMP Logo](https://championat.asia/image/logo-amp.png)
Fikrlar