Sardor Rashidov - Qatar vice-chempioni!
19 apr 2016 11:05
Yangiliklar

Sardor Rashidov - Qatar vice-chempioni!

O'zbekistonlik yarim himoyachi Sardor Rashidov Qatarning "Al Jayish" klubi safida sovrindor bo'ldi.

Kuni kecha Qatar Yulduzlar ligasida 2015-2016 yilgi mavsum o'z yakuniga etdi.

Rashidov to'p tepayotgan "Al Jayish" so'nggi turda safarda "Al Sadd" klubi mehmoni bo'lib 2:2 hisobida durang o'ynadi. Ushbu natija "Jayish"ga mavsumni 2-o'rinda tugatish uchun etarli bo'ldi va Sardor Rashidov Qatar Yulduzlar ligasi kumush medali sohibi bo'ldi.

2007 yil tashkil topgan "Al Jayish" klubi 2012 yilda Qatar Yulduzlar ligasiga chiqqan va o'sha yili kumush medalni qo'lga kiritgandi. 2014 yilda ham jamoa ikkinchi bo'lgan. SHunday qilib "Al Jayish" o'z tarixida uchinchi bor Qatar vice-chempioni bo'ldi. 2013 va 2015 yillarda klub mamlakat chempionatida uchinchi o'rinni band etgan.

Bu mavsumda Qatarda "Al Rayyan" klubi chempion bo'ldi. Uchinchi o'rin Xavi to'p tepayotgan "Al Sadd" klubiga nasib qildi. "Bunyodkor"ning ertangi raqibi "Lahviya" klubi esa chempionatni to'rtinchi o'rinda tugatdi. O'zbekiston terma jamoasi azosi Sanjar Tursunov faoliyat olib borayotgan "Umm Salal" klubi 41 ochko to'plab Yulduzlar ligasida beshinchi bo'ldi.

Qatar Yulduzlar ligasi. 2015-2016 yilgi mavsum.

Yakuniy jadval

#	Jamoa	O'	YU	D	M	T-N	O
1	Al-Rayyan	26	20	2	4	69-23	62
2	Al Jayish	26	14	6	6	48-29	48
3	Al-Sadd	26	13	8	5	54-38	47
4	Lahviya	26	14	2	10	60-41	44
5	Umm-Salal	26	10	11	5	39-34	41
6	Al-Ahli	26	10	7	9	42-40	37
7	Al-Sayliya	26	11	3	12	40-46	36
8	Al-Arabi	26	10	5	11	33-37	35
9	Al-Garafa	26	9	7	10	33-37	34
10	Al-Xor	26	9	6	11	25-31	33
11	Al-Vakra	26	9	3	14	34-45	30
12	Al-Xuraitiat	26	7	6	13	38-47	27
13	Qatar SK	26	6	9	11	31-51	27
14	Al Mesaimir	26	1	3	22	15-62	6